આંતરરાષ્ટ્રીય રક્તપિત્ત દિવસે સમગ્ર દેશ માથી રકતપિત ને નાબૂદ કરવા આઈ એડી વી એલ નો નિધૉર..

રકતપિત દિનની ઉજવણી અંતર્ગત પાટણના ઈલેક્ટ્રોનિક તેમજ પ્રિન્ટ મીડિયા ને પ્રેસ કોન્ફરન્સ દ્વારા માહિતી પ્રદાન કરાઈ…

પાટણ તા. ૩૦
૩૦ મી જાન્યુઆરીના દિવસે સમગ્ર વિશ્વમાં વર્લ્ડ લેપ્રસી ડે એટલે કે આંતરરાષ્ટ્રીય રક્તપિત્ત દિવસ તરીકે ઉજવવામાં આવે છે. ત્યારે પાટણ શહેરના આરાધ્યા ક્લિનિક ખાતે ડો.નીતિન છત્રાલિયાના હોસ્પિટલમાં પત્રકાર પરિષદનું આયોજન કરવામાં આવ્યું હતું. જેમાં આઈ.એ.ડી.વી.એલના પ્રદેશ પ્રમુખ ડો. ધનંજય ભાઇ પ્રજાપતિ એ જણાવ્યું હતું કે ભારત સરકાર રક્તપિત્તના છૂપાયેલા અને વણ તપાસાયેલા કેસો શોધવા કટિબદ્ધ છે. અને સ્થાનિક સ્તરે માઈક્રો પ્લાન મુજબ આરોગ્ય તંત્રની ટીમો ઘરે ઘરે મુલાકાત લઈ આવા દર્દીઓને શોધવા માટે કામગીરી કરી રહી છે.

પાટણ જિલ્લામાં હાલ 9 જેટલા દર્દીઓ નોંધાયેલા છે. સરકાર દેશમાંથી પોલીયો, ટીબી, એઈડસ બાદ હવે રક્તપિત્ત નાબુદીના પ્રયાસો કરી રહી છે.આ પ્રકારના દર્દીઓમાં પાંચથી વધારે ચાઠાં અને કોઈપણ બે ચેતાતંત્રને નુકશાનના લક્ષણો જોવા મળે છે.આ રોગ મટાડવા માટે 6 મહિનાથી લઈને 1 વર્ષ સુધીની સારવાર હોય છે.પાટણ જિલ્લામાં ચામડીના તબીબો દ્વારા આ રોગના દર્દીઓ માટે નિઃશુલ્ક સારવાર આપવામાં આવે છે.

આ રોગ ચેપી હોવાના કારણે ખાસ કરીને નાનકડા ઘરમાં વધારે લોકો રહેતા હોય એવા સંજોગોમાં આ રોગ થાય છે. 2030 સુધી સમગ્ર દેશમાંથી આ રોગ નેસ્તનાબૂદ થાય તેવો લક્ષ સરકારનો હોવાનું તેમણે જણાવ્યું હતું..આ પ્રેસમાં મંત્રી ડો.નીતીન છત્રાલીયાએ ઉપસ્થિત રહી જણાવ્યું હતું કે આ એક પ્રકારનો બેક્ટેરિયા માંથી થતો રોગ છે.સરકાર દ્વારા પણ આ રોગને અટકાવવા માટે તમામ પ્રકારના પ્રયત્નો કરવા માં આવે છે.

રક્તપિતના દર્દીઓને સારવારની સાથે જરૂરી કીટ પણ આપવામાં આવે છે તો અનેક સંસ્થાઓ દ્વારા આવા દર્દીઓ ઘરમાં જ ગૃહ ઉદ્યોગ કરી શકે તે માટે પણ સિલાઈ મશીન સહિતના સાધનો આપતા હોય છે.આ પ્રેસમાં ડો.મિતેશ ઠક્કર કો.ઓપ્ટ સભ્ય આઈએડીવીએલ જી એસ બી, ડૉ. પી.એચ.પટેલ સિનિયર ત્વચારોગ વિજ્ઞાની પાટણ,ડૉ.નવીન ચૌધરી કન્સલ્ટન્ટ ડર્મેટોલોજિસ્ટ પાટણ ઉપસ્થિત રહ્યા હતા.

અહેવાલ યશપાલ સ્વામી