હોસ્ટેલના સંચાલકે પોલીસને જાણ કરતા પોલીસે લાશના પંચનામા કરી પાટણ સિવિલ હોસ્પિટલ ખાતે પીએમ અર્થે ખસેડી આગળની કાર્યવાહી હાથ ધરી..
મૃતક યુવતી શહેરના જૂના ગંજ બજારમાં જોશીની ખડકીમાં રહેતી હોવાનું જાણવા મળ્યું તો યુવક યુપી નો હોવાનું પોલીસ તપાસમાં બહાર આવ્યું. .
પાટણ તા. ૩૦
પાટણ શહેરના દેવદર્શન કોમ્પલેક્ષ માં આવેલ હોસ્ટેલ ના એક રૂમ માંથી એક યુવક અને યુવતી ની લાશ મળી આવી હતી જેમાં યુવક પંખે લટકયો હતો તો યુવતી બેડ પર પડેલી હતી.
બનાવની જાણ મોડી સાંજે હોસ્ટેલ સંચાલકને થતાં તેઓએ પાટણ પોલીસ ને જાણ કરતા પોલીસ ઘટના સ્થળે પહોંચી બંને ની લાશનું પંચનામું કરી પીએમ માટે પાટણ સિવિલ હોસ્પિટલમાં ખસેડવા માં આવી હતી.
મૃતક યુવતી અને યુવક ના આધાર કાડૅ ના આધારે પોલીસે તપાસ હાથ ધરતા યુવતી પાટણ શહેર ના જુનાગંજ બજાર જોશી ની ખડકી ની રહેવાસી હોવાનું જાણવા મળ્યું છે. તો યુવકના આધાર કાડૅ પરથી યુવક યુપી નો હોવાનું પ્રાથમિક તાપસ માં સામે આવ્યું છે.
તો ધટના સ્થળે થી મળી આવેલ યુવતી અને યુવક ના મોબાઈલ પણ મળી આવ્યા હોય પોલીસે બન્ને ના મોબાઈલ આધારે વધુ તપાસ હાથ ધરી હોવાનું જાણવા મળ્યું છે.
શહેરના દેવ દર્શન કોમ્પલેક્ષમાં આવેલા હોસ્ટેલમાં કયા કારણોસર યુવક અને યુવતીએ આત્મહત્યા કરી છે તેનું કારણ જાણવા માટે પોલીસે ઝીણવટ કરી તપાસ હાથ ધરી છે
તો મૃતક યુવતી શહેરના જુનાગજ બજારમાં જોશી ની ખડકીમાં રહેતા પરિવાર ની હોય પોલીસે પરિવારને જાણ કરતા પરિવારજનો પણ પાટણ સિવિલ હોસ્પિટલ ખાતે દોડી આવ્યા હતા.
અહેવાલ યશપાલ સ્વામી