પાટણ લોકસભા બેઠક પર મતગણતરી ની વ્યવસ્થા માટે તંત્ર એ તૈયારીઓ પૂર્ણ કરી…

મતગણતરીના સ્થળે ચુસ્ત પોલીસ બંદોબસ્ત સાથે ફાઈર ફાઈટર સહિત ની સુવિધા ઉપલબ્ધ કરાઈ.

પાટણ તા. ૩
પાટણ લોકસભા બેઠકની ચૂંટણી સંપન્ન થયા બાદ મતગણતરીને લઇ જિલ્લા વહીવટી તંત્ર કામગીરીમાં જોતરાયુ હતું અને આખરે તંત્ર દ્વારા મતગણતરી માટે ની તૈયારીઓ પૂર્ણ કરવામાં છે. ચુટણી તંત્ર દ્વારા એક વિધાનસભા બ્લોક માં ૧૪ ટેબલ ઉપર અધિકારીઓ ની ઉપસ્થિતિમાં અને સીસીટીવી કેમેરાની બાજ નજર હેઠળ મત ગણતરી કરવા આવશે.જે પૂર્ણ થયા બાદ પરિણામ જાહેર કરવામાં આવશે.

સાત વિધાનસભા મત વિસ્તાર ધરાવતી પાટણ લોકસભા બેઠકની ચૂંટણી પૂર્ણ થયા બાદ ઈવીએમ મશીનો ને પાટણ ની કતપુર ખાતે આવેલી સરકારી ઈજનેરી કોલેજ ખાતે રાખવામાં આવ્યા છે. જ્યાં આવતી કાલ સઘન સુરક્ષા વ્યવસ્થા વચ્ચે મત ગણતરી યોજવામાં આવશે. મત ગણતરીને લઈ જિલ્લા પ્રશાસન દ્વારા તમામ તૈયારીઓ પૂર્ણ કરવામાં આવી છે. જેમાં એક વિધાનસભા બ્લોકમાં ૧૪ ટેબલ ઉપર મત ગણતરી કરાશે. જેમા એક ટેબલ ઉપર એક સુપરવાઈઝર કાઉન્સિલર , એક આસિસ્ટન્ટ કાઉન્સિલર અને એક માઇક્રો ઓબઝર્વર મળી ૧૪ ટેબલ ઉપર ૫૦ અધિકારીની ઉપસ્થિતિમાં મત ગણતરી કરવામા આવશે .

આમ સાત વિધાનસભા બ્લોકમાં ૯૮ ટેબલ ઉપર ૩૫૦ અધિકારીઓની સીધી દેખરેખ હેઠળ મત ગણતરી કરવામાં આવશે. તેમજ મત ગણતરી પ્રક્રિયામાં દશ ટકા સ્ટાફને રિઝર્વમાં રાખવામાં આવશે. મતગણતરી માં મુકાયેલા સ્ટાફને મત ગણતરી કેવી રીતે કરવી અને શું તકેદારી રાખવી તે અંગેની તાલીમ આપવામાં આવી છે. જોકે આ મત ગણતરીમાં સૌથી વધુ રાધનપુર બેઠક ઉપર ૨૪ રાઉન્ડ અને ખેરાલુ બેઠક સૌથી ઓછા ૧૮ રાઉન્ડમાં ગણતરી કરવામા આવશે .

જ્યારે ચાણસ્મા અને પાટણ માં ૨૨ રાઉન્ડ , વડગામ, કાંકરેજ, સિધ્ધપુર વિધાનસભા માં ૨૧ રાઉન્ડમાં મત ગણતરી કરવામાં આવશે . જે પૂર્ણ થયા બાદ ચૂંટણી પરિણામ જાહેર કરવામાં આવશે. જેને લઈ જિલ્લા વહીવટી તંત્ર મત ગણતરી માટે સજ્જ બન્યું છે તો પરિણામને લઈ લોકો આતુર બન્યા છે. પાટણ કતપુર ઈજનેર કોલેજ ખાતે મતગણતરી સ્થળે સવારે ૭ વાગે એન્ટ્રી આપવામાં આવશે.

૮ વાગે મત ગણતરી શરૂ કરવામાં આવશે તો ઉમેદવાર, ચૂંટણી એજન્ટ અને મતગણતરી એજન્ટ ના કાર્ડ પણ ઈશ્યુ કરી દેવામાં આવ્યાં હોવાનું છે. તો મતગણતરી સ્થળે ચુસ્ત પોલીસ બંદોબસ્ત, ફાયર ફાઈટરની સુવિધા, સહિત ની વ્યવસ્થા પણ ઉપલબ્ધ બનાવવામાં આવી હોવાનું ચૂંટણી શાખા ના સૂત્રોએ જણાવ્યું  હતું.

અહેવાલ યશપાલ સ્વામી