પાટણ તા. 26
પાટણ કનસડા દરવાજા સ્થિત શ્રીમંત ફતેહસિંહ રાવ લાઇબ્રેરી ખાતે જીલ્લા કાનુની સેવા સમિતિના નમ્રતાબેન ઠકકર કે જેઓ પેએલવી (Para-Legal volunters) તરીકે પાટણની ડીસ્ટ્રીકટ કોર્ટમાં સેવા આપી રહયા છે તેઓએ વિદ્યાર્થીઓને સાયબર સિક્યોરિટી અંતગૅત લીગલ સલાહ આપી હતી. તેઓએ જણાવ્યું હતું કે, ગત વર્ષ કરતાં આ વર્ષે સાઈબર ક્રાઈમ નાં કેસોમાં ૯૦% વધારો થયો છે અને પાટણમાં પણ રોજનાં ૧૦ થી ૧૫ કેસો આવી રહયા છે.
ખરીદી કરો ત્યારે એપ્રુવ સાઇટ ઉપરથી જ ખરીદી કરવી. કેશઓન ડીલીવર રાખવી, એટીએમ કાર્ડ નંબર, આધારકાર્ડ નંબર, ઓટીપી વગેરે કોઇને પણ આપવું નહીં. તેમજ જરુર જણાય ત્યારે ૧૯૩૦ નંબર ઉપર અથવા જીલ્લાની પોલીસ ઓફીસમાં સાઈબર ક્રાઈમની ઓફીસમાં તમારી કમ્પલેઈન જેટલી બને તેટલી ઝડપથી નોંધાવવી. તેઓએ વિદ્યાર્થીઓના પ્રશ્નોના જવાબો સંતોષ કારક રીતે આપી સાઈબર ફ્રોડથી બચવા સલાહ આપી હતી.
લાઇબ્રેરીનાં પ્રમુખ ડો. શૈલેષ સોમપુરા એ સ્વાગત કરી વિદ્યાર્થીઓને ચેતતા નર સદા સુખી પ્રમાણે મોબાઈલનો યોગ્ય ઉપયોગ કરવા જણાવ્યું હતું. આ પ્રસંગે હસુભાઈ સોની, અશ્વિનભાઈ નાયક, સુનીલભાઇ પાગેદાર, ચેતન ભાઈ દેસાઈ, નરેશભાઈ પટેલ, શીવપ્રસાદ ગોઠી તથા વિદ્યાર્થીઓ મોટી સંખ્યામાં ઉપસ્થિત રહયા હતા.આભારવિધી સુરેશભાઇ દેશમુખે કરી હતી.
અહેવાલ યશપાલ સ્વામી
