પાટણ જિલ્લા પોલીસ તથા ટ્રાફિક સલાહકાર સમિતિની બેઠક મળી…

પાટણ શહેરમાં આડેધડ વાહનો પાર્કિંગ કરાતા હોવાના કારણે ટ્રાફિકની સમસ્યા સજૉતી હોય તેના નિરાકરણ અર્થે રજૂઆતો કરાઈ..

પાટણ તા. ૧૫
પાટણ જિલ્લા કલેકટર તેમજ જિલ્લા પોલીસ વડાના અધ્યક્ષ સ્થાને પાટણ જિલ્લા પોલીસ તથા ટ્રાફિક સલાહકાર સમિતિની બેઠક કલેકટર કચેરી ખાતે ના કોન્ફરન્સ હોલમાં શનિવારે મળી હતી. આ બેઠકમાં પોલીસ ને લગતા પાટણ જિલ્લાના વિવિધ પ્રશ્નો અંગે પોલીસ સલાહકાર સમિતિના સભ્યો દ્વારા રજૂઆત કરવામા આવી હતી જેમાં જિલ્લા પોલીસ સલાહકાર સમિતિના સભ્ય અને ભારતીય જનતા પાર્ટી જિલ્લા કાર્યાલય મંત્રી નવીન પ્રજાપતિ તથા ટ્રાફિક સલાહકાર સમિતિના સભ્ય સતીષ ઠક્કર દ્વારા પાટણ જિલ્લા તથા શહેર મા સજૉતી ટ્રાફિ કની સમસ્યાઓની વિસ્તૃત માહિતી આપતા રજુઆત કરી હતી

કે પાટણ શહેર ના વાદી સોસાયટી , બગવાડા ચોક , જુનાગંજ બજાર તથા ગંજી પીર નિલમ સિનેમા રોડ પર આડે ધડ પાર્ક થતા વાહનોના કારણે ટ્રાફિકની સમસ્યા ઉદભવતી હોવાનું જણાવી આ સમસ્યાનું નિરા કરણ લાવવા રજૂઆત કરવામા આવી હતી. તેમજ પાટણ ના કાયમી પ્રશ્ન ડમ્પર ચાલક નો હોઇ તે અંગે ઉપસ્થિત પોલીસ તંત્ર ને માનવતાની દ્રષ્ટિએ નિકાલ લાવવા તથા વિવિધ પોઇન્ટ પર ઉભા રહેતા ટ્રાફિક પોલીસ ના કર્મીઓને યોગ્ય દિશા સૂચન કરીને ટ્રાફિક સમસ્યા હલ કરવા માટે પણ તેઓએ જણાવ્યુ હતુ. જિલ્લા કલેકટર અને જિલ્લા પોલીસવડા ના અધ્યક્ષ સ્થાને શનિવારે મળેલી પાટણ જિલ્લા પોલીસ ટ્રાફિક સલાહકાર સમિતિની બેઠકમાં પોલીસ અધિકારીઓ સહિત સલાહકાર સમિતિના સભ્યો ઉપસ્થિત  રહ્યા હતા.

અહેવાલ યશપાલ સ્વામી