રાષ્ટ્રીય પલ્સ પોલીયો અભિયાનના પ્રારંભ પ્રસંગે 0 થી 5 વર્ષના બાળકોને પોલિયો રસી ની બે બુંદ પીવડાવાઈ…

જિલ્લા પંચાયત પ્રમુખ, પાટણ નગરપાલિકા પ્રમુખ સહિત આરોગ્ય વિભાગના અધિકારીઓ અને કર્મચારીઓ પોલિયો અભિયાનમાં જોડાયા..

પાટણ તા. ૨૩
રાષ્ટ્રીય પ્લસ પોલિયો અભિયાનનો રવિવારે પાટણની ન્યુ તક્ષશીલા પ્લે સ્કૂલ ,અંબાજી રોડ ખાતેથી જિલ્લા પંચાયત પ્રમુખ હેતલબેન ઠાકોર ના અધ્યક્ષ સ્થાને આયોજિત કરવામાં આવ્યો હતો.

પ્લસ પોલિયો અભિયાન અંતર્ગત 0 થી 5 વર્ષ ના બાળક ને પોલિયો ના બે ટીપાં પીવડાવીને રાષ્ટ્રીય પ્લસ પોલિયો અભિયાન નો પ્રારંભ કરવામાં આવ્યો હતો.

પ્લસ પોલિયો અભિયાન ના પ્રારંભ પ્રસંગે ઉપસ્થિત રહેલા નગરપાલિકા પ્રમુખ હિરલબેન પરમાર, રિલાયન્સ ફાઉન્ડેશન પાટણના મુકેશભાઈ દેસાઈ, રોટરી ક્લબ પાટણ ના પ્રમુખ ઝુઝારસિહ સોઢા, મુખ્ય જિલ્લા આરોગ્ય અધિકારી ડો.વી.એ.પટેલ, જિલ્લા ક્ષય અઘિકારી ડો.ડી.એન.પરમાર, તા.હેલ્થ ઓફિસર ડો.અલ્કેશ સોહેલ સહિત આરોગ્ય વિભાગના અધિકારીઓ, કર્મચારીઓ ઉપસ્થિત રહી 0 થી 5 વષૅના બાળકોને બે ટીપાં પોલિયો ના પિવડાવી પોલિયો મુકત ભારતની વિભાવનાને ચરિતાર્થ કરી હતી.

અહેવાલ યશપાલ સ્વામી