જૈનાચાર્ય નિત્યસેનસૂરીજી અને મુનિરાજ ચારિત્રરત્ન વિજયજી નું મંગળવારે પાટણ પદાર્પણ

જૈનાચાર્ય શ્રી અને મુનિરાજશ્રી ના પદાર્પણ પ્રસંગે સવારે ૭ વાગે શહેરના ત્રણ દરવાજાથી યોજાશે શોભાયાત્રા..

પાટણ તા. ૨૪
પાટણ ના પંચાસરા મંદિર પાસે આવેલ ત્રિસ્તુતિક જૈન ઉપાશ્રય ખાતે ૨૫ જુન મંગળવારે સવારે શ્રી સોધર્મ બૃહત્તપાગચ્છ ત્રિસ્તુતિક જૈનાચાર્ય શ્રી જયન્તસેન સૂરીશ્વરજી મહારાજાના શિષ્ય ગચ્છાધિપતિ શ્રી નિત્ય સેન સૂરીશ્વરજી મહારાજ અને મુનિરાજ શ્રી ચારિત્રરત્ન વિજય મહારાજ આદિ ઠાણા નું પદાર્પણ થશે, જૈનાચાર્ય શ્રી અને મુનિરાજ શ્રી ના પદાર્પણ ને લઈ ને ત્રિસ્તુતિક જૈન ઉપાશ્રય દ્વારા ત્રણ દરવાજા થી મંગળવારે સવારે ૭ કલાકે પ્રવેશ ની શોભાયાત્રા યોજાશે જે મુખ્ય માર્ગ પર પરિભ્રમણ કરી ને ત્રિસ્તુતિક જૈન ઉપાશ્રય માં ધર્મસભા માં પરિવર્તિત થશે,

જૈનાચાર્ય શ્રી અને મુનિરાજ શ્રી ૨૫ અને ૨૬ જુન બે દિવસ ની પાટણ માં સ્થિરતા કરશે, ત્રિસ્તુતિક જૈન ઉપાશ્રય નાં અગ્રણી અલ્કેશ શાહે જણાવ્યું કે જૈનાચાર્ય શ્રી શંખેશ્વર તીર્થ માં આયોજિત આત્મોદ્ધાર સામુહિક દીક્ષા મહોત્સવ,વર્ષીતપ પારણા આદિ કાર્યક્રમ સંપન્ન કરાવી ને તેઓશ્રી ના આગામી નિર્ધારિત થયેલા બનાસકાંઠા જિલ્લાના પેપરાલ નગર ખાતે ના ચાતુર્માસ હેતુ શંખેશ્વર તીર્થ થી વિહાર કરેલ આ દરમિયાન પુર્વ માં રાજસ્થાન મધ્યપ્રદેશ તેમજ ગુજરાત માં જૈના ચાર્ય શ્રી ની નિશ્રામાં ઊપસ્થિત રહી ને ત્રિસ્તુતિક જૈન સંધ પાટણ ના અગ્રણીઓએ અનેક વખત જૈનાચાર્ય શ્રી ને પાટણ પધારવા ની વીનંતી કરી તેનો સ્વીકાર કરી ને શંખેશ્વર તીર્થ થી વિહાર કરી ને મંગળવારે સવારે ત્રણ દરવાજા થી પદાર્પણ થશે,

જૈનાચાર્ય શ્રી ના સાથે મુનિરાજ શ્રી ચારિત્રરત્ન વિજયજી મહારાજ નું પાટણ પદાર્પણ થઈ રહ્યું છે, મુનિ રાજ શ્રી ત્રિસ્તુતિક જૈન ઉપાશ્રય ખાતે પુર્વ માં ૧૨૭૨ દિવસ સુધી નિરંતર સ્થિરતા કરી ને મુનિરાજ શ્રી નિપુણરત્ન વિજયજી મહારાજ આદિ ઠાણા ને સંસ્કૃત પ્રાકૃત આદિ ભાષા નાં કઠીન ગ્રંથો નો અભ્યાસ પુર્ણ કરાવ્યો હતો. આ દરમિયાન મુનિરાજ શ્રી એ લોકો ને પ્રેરણા આપી ને અનેક ધાર્મિક સામાજિક આઘ્યાત્મિક કાર્યક્રમ સંપન્ન કરાયા હતા તેમજ અનેક લોકો ને વ્યસન મુક્ત બનાવ્યા હતા,

મુનિરાજ શ્રી એ ૨૯ જુન ૨૦૨૧ ના પાટણ થી પ્રયાણ કર્યા બાદ ૯૩૯ દિવસ પછી પ્રથમ વાર પાટણ માં પદાર્પણ ને લઈ ને ત્રિસ્તુતિક જૈન સંધ ના સદસ્યો સહિત સ્થાનિક અનેક લોકો માં ખુશી નું વાતાવરણ સર્જાયું છે, જૈનાચાર્ય શ્રી તેમજ મુનિરાજ શ્રી ના પદાર્પણ પ્રસંગે મંગળ પ્રવેશ સહિત દરેક કાર્યક્રમ માં લોકો ને ઉપસ્થિત રહેવા માટે ત્રિસ્તુતિક જૈન ઉપાશ્રય ના મનસુખ ભાઇ મોરખીયા, હસમુખભાઈ ધરુ, ભરત ભાઈ શાહ, કમલેશ ભાઈ શાહ વિજયભાઈ શાહ તેમજ પાટણ જૈન સંધ ના અગ્રણી ધીરુભાઈ શાહે અને સંજયભાઈ મોદી દરેક ને ઉપસ્થિત રહેવાનું જણાવ્યું છે.

અહેવાલ યશપાલ સ્વામી