રાધનપુર માંથી વિદેશી દારૂ બીયર કુલ ૨૬૪ નંગ સાથે રાધનપુર પોલીસે બુટલેગર ને ઝડપી લીધો..

કિ.રૂ.૨૮૫૧૨ નો મુદ્દામાલ પોલીસે હસ્તગત કરી કાયૅવાહી હાથ ધરી..

પાટણ તા. ૨૫
રાધનપુર પોલીસે બાતમી ના આધારે વિદેશી દારૂ બિયરના જથ્થા સાથે બુટલેગર ને ઝડપી કાયદેસર ની કાર્યવાહી હાથ ધરી હોવાનું જાણવા મળ્યું છે.
આ બાબતે મળતી માહિતી મુજબ પાટણ જિલ્લા પોલીસવડા ડો.રવિન્દ્ર પટેલ નાઓની સુચના તેમજ ઇન્ચાર્જ નાયબ પોલીસ અધિક્ષક મહેન્દ્રસિંહ સોલંકી રાધનપુર વિભાગનાઓના સીધા માર્ગદર્શન હેઠળ દારૂ-જુગારની પ્રવૃતિ સાથે સંકળાયેલ ઇસમો ઉપર વોચ-તપાસ સંબધિત સુચના આધારે રાધનપુર પીઆઈ એમ.કે.ચૌધરી નાઓને ખાનગી રાહે મળેલ બાતમી હકીકત આધારે રાધનપુર કાશી વિશ્વનાથ મહાદેવ મંદીરની બાજુમાં રહેતા નિ.ઠાકોર શૈલેષભાઇ શીવાભાઇ નાઓના ઘરે પાછળની દિવાલે સિમેન્ટના પતરા પડેલ હોઇ જે સિમેન્ટના પતરા ઉંચા કરી નિચે જોતા પુંઠાની પેટીઓમાં ભારતીય બનાવટના વિદેશી દારૂની અલગ અલગ બ્રાંડની બોટલ ટીન નંગ-૨૬૪ કિ.રૂ.૨૮૫૧૨નો મુદ્દામાલ મળી આવ્યો હતો. પોલીસે દારૂ બિયરના જથ્થા સાથે બુટલેગર ની અટકાયત કરી કાયદેસરની કાર્યવાહી હાથ ધરી હોવાનું જાણવા મળ્યું છે.

અહેવાલ યશપાલ સ્વામી