ભગવાન જગન્નાથજીની 142 મી રથયાત્રા દરમ્યાન 2100 મણ ચણા અને મગ નો પ્રસાદ વિતરણ કરાશે..

ચણા અને મગના પ્રસાદને તૈયાર કરવા યમુના વાડી
ના સંચાલકોએ વિનામૂલ્ય વાડી આપી રથયાત્રામાં સહયોગી બન્યા..

પાટણ તા. ૫
ભગવાન જગન્નાથજીની 142 મી રથયાત્રા દરમિયાન ભક્તોમાં વિતરણ કરવામાં આવનાર મગ અને ચણાના પ્રસાદનું મહત્વ અનેરૂ રહેલું છે ત્યારે ચાલુ સાલે મંદિર ટ્રસ્ટ દ્વારા દાતાઓના સહકારથી 2100 મણ ચણા અને મગના પ્રસાદનું વિતરણ કરવામાં આવનાર હોવાનું જગન્નાથ મંદિર ટ્રસ્ટના મેનેજિંગ ટ્રસ્ટી પિયુષભાઈ આચાર્યએ જણાવ્યું હતું. ભગવાન જગન્નાથજીની રથયાત્રા દરમિયાન વિતરણ કરવામાં આવનાર મગ અને ચણા ના પ્રસાદ ની હાલમાં મંદિર પરિસર ખાતે સેવકો દ્રારા તૈયારી સ્વરૂપે સાફ સફાઈ ની કામગીરી હાથ ધરવામાં આવી છે.

તો ચાલું વર્ષે ભગવાનની ચણા અને મગની પ્રસાદને વિણાટ કર્યા બાદ સૌ પ્રથમવાર શહેરની યમુનાવાડી ખાતે લઈ જઈ તે ચણા અને મગ ને મોટા પ્લાસ્ટિક ના પીપોમાં શુદ્ધ પાણીમાં પલાળવામાં આવશે. આ પ્રસાદની સેવા તૈયાર કરવા માટે યમુના વાડી ના સંચાલકોએ જગન્નાથ મંદિર ટ્રસ્ટને પોતાની વાડી વિનામૂલ્ય ફાળવી ભગવાન જગન્નાથજીની 142 મી રથયાત્રામાં સહયોગી બનતા યમુના વાડી ના સંચાલકો નો જગન્નાથ મંદિર ટ્રસ્ટ અને રથયાત્રા સમિતિ સહિત જગન્નાથ ભક્તોએ આભાર વ્યક્ત કર્યો છે.

અહેવાલ યશપાલ સ્વામી