નોટિસ ઈસ્યુ કર્યા બાદ બે બાકી વેરા મિલકત ધારકો એ રૂ.1લાખથી વધુની રકમ ભરપાઈ કરી..
પાટણ તા. ૨૦
પાટણ નગરપાલિકાની વેરા શાખા દ્વારા બાકી વેરા મિલકત ધારકો પાસેથી વેરાની રકમ વસુલાત કરવા ઝુંબેશ હાથ ધરવામાં આવી છે. મંગળવારે વોર્ડ નંબર 1,9, અને 11 માં રૂ. 50 હજારથી વધુની બાકી વેરા ની રકમના 125 થી વધુ મિલકત ધારકોને આખરી નોટિસ ઈસ્યુ કરવાની કામગીરી હાથ ધરવામાં આવી હતી.
જે પૈકી 40 બાકી વેરા મિલકત ધારકોને આખરી નોટિસ ની બજવણી કરવામાં આવતાં કેટલાક બાકી વેરા મિલકત ધારકોએ પોતાની બાકી વેરાની રકમ ભરપાઈ કરવાની સંમતિ દશૉવી હતી. તો બે બાકી વેરા મિલકત ધારકોએ અંદાજીત રૂ. 1 લાખથી વધુની રકમ પાલિકા ની વેરા શાખા મા ભરપાઈ કરી હોવાનું વેરા શાખા અધિકારી લક્ષ્મણભાઈ પટેલે જણાવ્યું હતું.
