દિવેલાના ભાવ વધતા પાટણ માર્કેટયાર્ડમાં 3500 બોરી થી વધુ આવક…

પાટણ યાડૅમા દિવેલાના ભાવમાં રૂ.70 નો વધારો જયારે હારિજ યાડૅમાં રૂ. 100 નો વધારો નોંધાયો..

પાટણ તા. 14
પાટણ અને હારીજ માર્કેટ યાર્ડમાં એરંડાની માંગ સામે પુરવઠો ઓછો હોવાના કારણે દિવેલાના ભાવમાં રૂપિયા 70 થી ₹100 સુધીનો ઉછાળો આવ્યો હોવાનું માર્કેટ યાર્ડના સુત્રો તરફથી જાણવા મળ્યું છે.

પાટણ માર્કેટયાર્ડમાં છેલ્લા દસ દિવસમાં એરંડાના ભાવમાં રૂ.70 નો વધારો નોંધાયો છે તો તેજ રીતે હારીજ માર્કેટ યાર્ડમાં પણ છેલ્લા એક માસમાં એરંડાના ભાવમાં રૂ. 100 નો વધારો થયો હોવાનું જાણવા મળ્યું છે જયારે એરંડા ના ભાવમાં વધારો થતાં પાટણ માર્કેટ યાર્ડમાં એરંડાની 3500 થી વધુ બોરીની આવક વધી હોવાનું માર્કેટ યાર્ડના સૂત્રોએ જણાવ્યું હતું.

પાટણ માર્કેટયાર્ટમાં દસ દિવસ અગાઉ એશાના પ્રતિમણના ३.1130 થી 1180 ના ભાવ હતાં જેમાં સરેરાશ રૂ.1140 થી આસપાસ ખેડૂતોને ભાવ મળતા હતા જે શનિવારે રૂ.1180 થી 1231 સુધીના ભાવ પડયા હતા.

જેમાં સરેરાશ રૂ.1210 સુધીના ભાવ રહેતા છેલ્લા દસ દિવસમાં પ્રતિમણે રૂ. 70 નો વધારો થયો છે. ભાવ વધવાના કારણે છેલ્લા દસ દિવસમાં આવક માં પ્રથમ વખત વધારો થયો છે જેના કારણે દસ દિવસ અગાઉ 2000 બોરી આસપાસ દિવેલાનો જથ્થો આવતો હતો.જે શનિવારે 5750 બોરી જથ્થો આવ્યો હોવાનું પાટણ માર્કેટયાર્ડ ના સુત્રોએ જણાવ્યું. તો હાલમાં ઓઈલ મીલો માં દિવેલાની માંગ વધારે હોવાની સામે જથ્થો ઓછો આવતો હોવાના કારણે ભાવમાં વધારો થયો છે.

હારિજ માર્કેટયાર્ડમાં એકમાસ દિવેલાની આવકો ઘટતા એક માસમાં રૂ. 100 નો વધારો થયો છે દિવેલા મા ભાવો વધતા દિવેલા ની આવકો
માં ધીમો વધારો થઈ રહ્યો છે.અગાઉ સીઝનમાં દિવેલાના પ્રતિમણે રૂ.1100થી રૂ.1130 સુધીના ભાવ હતાં જે હાલમાં રૂ.1200થી 1231ના થયા છે. જેના કારણે એક મહિનામાં રૂ.100 નો વધારો થયો હોવાનું જાણવા મળ્યું છે.

અહેવાલ યશપાલ સ્વામી