પાટણ તા. ૨૫
જિલ્લા સેવા સદન ખાતે ઈન્ચાર્જ જિલ્લા કલેક્ટર
ની અધ્યક્ષતામાં જિલ્લા સ્વાગત ફરીયાદ નિવારણ કાર્યક્રમ ગુરૂવારે યોજાયો હતો. જેમાં જિલ્લા કલેક્ટર સમક્ષ વિવિધ અરજદારોએ પોતાના પ્રશ્નો રજુ કર્યા હતા.
જિલ્લા સ્વાગત કાર્યક્રમમાં કુલ 9 પ્રશ્નો રજૂ કરવા માં આવ્યા હતા. જે અંતર્ગત ગેરકાયદેસર બાંધકામ દૂર કરવા બાબત, જમીન બાબત, પીવાના પાણી બાબત, રસ્તા બાબત, મા અન્નપૂર્ણા યોજનામાં પસંદ પામેલા અગ્રતા ધરાવતા કુટુંબની યાદીમાં સમાવેશ કરવા બાબત વગેરે જેવા પ્રશ્નોનું નિરાકરણ ઈ.ચા.જિલ્લા કલેક્ટરે લાવ્યું હતુ.
કલેક્ટરે તમામ અરજદારોને સાંભળ્યા હતા અને સંલગ્ન અધિકારીઓને પ્રશ્નો બાબતે યોગ્ય કાર્યવાહી કરવા માટે સુચન કર્યું હતુ. જિલ્લા સ્વાગત ફરીયાદ નિવારણ કાર્યક્રમમાં નિવાસી અધિક કલેક્ટર બી. એસ.નપટેલ, જિલ્લા પોલીસ અધિક્ષક ડૉ. રવિન્દ્ર પટેલ તેમજ વિવિધ અધિકારીઓ ઉપસ્થિત રહ્યા હતા.
અહેવાલ યશપાલ સ્વામી
