ડોડીયા વાસના પરિવારજનોની લાગણી અને સન્માનનો પાલિકા પ્રમુખે આભાર વ્યક્ત કર્યો..
પાટણ તા. 29 પાટણ નગરપાલિકાના આગામી અઢી વર્ષ માટે ભારતીય જનતા પાર્ટીના મેન્ડેડ પરથી પ્રમુખ પદે સત્તારૂઢ બનેલા હિરલબેન અજયભાઈ પરમાર નો શહેરના વિવિધ સંગઠનો સહિત વિવિધ સમાજ દ્વારા સન્માન કાર્યક્રમ આયોજિત કરવામાં આવી રહ્યા છે ત્યારે પાટણ શહેરના મોતીસા દરવાજા પાસે આવેલા ડોડીયાવાસ ના ડોડીયા પરિવારના રહીશોએ પાલિકા ના નવનિયુક્ત પ્રમુખ હિરલબેન અજયભાઈ પરમાર ને સન્માનવાનો કાર્યક્રમ યોજવામાં આવ્યો હતો.
પાટણ શહેરના મોતિસા દરવાજા થી પાલિકા પ્રમુખ હિરલબેન ને ડોડીયા પરિવાર દ્વારા ઢોલ નગારા સાથે વાજતે ગાજતે ડોડીયાવાસ મા લઈ જવામાં આવ્યા હતા જયા પાલિકા પ્રમુખ નું ડોડીયા સમાજના આગેવાન ઉત્તમભાઈ ડોડીયા સહિત સમગ્ર ડોડીયાવાસ ના પરિવારોએ શાલ,બુકે અને મોમેન્ટો આપી સન્માનિત કરવામાં આવતાં પાલિકા પ્રમુખે ડોડીયાવાસ ના રહિશોની લાગણી ને સરાહનીય લેખાવી આભાર ની લાગણી વ્યક્ત કરી હતી.
અહેવાલ યશપાલ સ્વામી
