પાટણ સાગર જૈન ઉપાશ્રય ખાતે ચાતુ ર્માસ દરમ્યાન નિત્ય ભગવતી સુત્રના વાંચન નો લાભ લઈ ધન્યતા અનુભવતા જૈન શ્રાવક શ્રાવિકાઓ..

પાટણ ના પત્રકાર મિત્રોએ પણ શ્રી કલાપૂર્ણ મ. સા. ના આશીર્વાદ મેળવી ધન્યતા અનુભવી…

પાટણ તા. ૩૧
પાટણ ના સાગર જૈન ઉપાશ્રય ખાતે ચાતુર્માસ માટે પધારેલા દક્ષીણ કેસરી આ.શ્રી સ્થુલભદ્ર સૂરીશ્રવરજી મ.સા. શિષ્ય ૨૧૨ આંબીલ આરાધક પ્રવર્તક પ્રવર શ્રી કલાપૂર્ણ વિજયજી મ.સા. અને ટોરેન્ટ પરિવારના સેવક એવા યોગેશ ભાઈ મહેતા દ્વારા એક પ્રેસ કોન્ફરન્સનું આયોજન કરાયું હતું. ઓયોજીત પ્રેસ કોન્ફરન્સમાં માહીતી આપતા શ્રી કલાપૂર્ણ વિજયજી મ.સા.એ જણાવેલ કે સાગર જૈન ઉપાશ્રય ખાતે ચાતુર્માસ દરમ્યાન સવારે ૯.૩૦ થી ૧૦- ૩૦ ભગવતી સૂત્રનું વ્યાખ્યાનનું વાંચન કરાય છે. ભગવાન શ્રીમહાવીરના પ્રથમ શિષ્ય ગણધર, ગુરુગૌતમ સ્વામીએ જગતના જીવોના ઉપકાર માટે છત્રીસ હજાર પ્રશ્નો પ્રભુવીર ને પુછેલા તેના જવાબ અને તેની છણાવટ શાસ્ત્રોક્ત પ્રમાણે સાગરના ઉપાશ્રય ખાતે પ્રતિ દિન વંચાય છે જેનો લાભ મોટી સંખ્યામાં પાટણના નગર જનો લઈ રહ્યાં છે. તેમજ જૈન સમાજના ગુરુદેવની વાણીનું શ્રવણ કરી આત્મ કલ્યાણ કરી રહ્યાં છે.

પૂજય ગુરુદેવ સાથે સિધ્ધપુર નજીક આવેલ છાપી ગામના વતની યોગેશ ભાઈ કે. મહેતા પણ ઉપસ્થિત રહ્યા હતાં, યોગેશભાઈ દરેક પ્રકારની અસાધ્ય રોગોની દવાઓની નિઃશુલ્ક સેવાઓ આપી રહ્યાં છે અને પોતે એકાંતર ઉપવાસ કરી તપ સાધના સાથે જન સેવા નું કાર્ય પણ કરી રહ્યાં છે. કેન્સર, ડાયાબીટીસ, થાઈરોડ, બ્લડ પ્રેસર જેવા રોગોની તેઓ દવા આપી સારવાર કરી સેવા આપી રહ્યાં છે તેઓ એક નિષ્ણાંત નાડી વૈદ્ય પણ છે જેઓ નાડી જોઈને રોગ પારખી શકે છે. આજ દિન સુધીમા તેઓએ અનેક દર્દીઓને દવા અને સેવા આપી સાજા કર્યાં છે. તેમનો આ સેવા યજ્ઞ આજે પણ અવિરત પણે ચાલી રહ્યો  છે.

અહેવાલ યશપાલ સ્વામી