યુનિવર્સિટી ખાતે આગામી 13 અને 14 ઓગસ્ટે કરાર આધારિત ટીચિંગ સ્ટાફ અને તા.16 અને 17 ઓગસ્ટે નોન ટીચિંગ સ્ટાફ ભરતી માટે ના ઈન્ટરવ્યુ યોજાશે..

ઉપરોક્ત સ્ટાફ ભરતીમાં પીએચડી, નેટ,સ્લેટ ત્રણમાંથી એક ધરાવતા ઉમેદવારને ઇન્ટરવ્યૂમાં બોલાવવામાં આવશે.

કરાર આધારિત યોજાનાર ઇન્ટરવ્યૂ ની માહિતી યુનિવર્સિટી ની વેબસાઈટ પર મૂકવામાં આવી…

પાટણ તા. 6
પાટણ હેમચંદ્રાચાર્ય ઉત્તર ગુજરાત યુનિવર્સિટી ખાતે આગામી તારીખ 13 અને 14 ઓગસ્ટના રોજ કરાર આધારિત ટીચિંગ સ્ટાફ અને તારીખ 16 અને 17 ઓગસ્ટના રોજ બીન શૈક્ષણિક સ્ટાફની ભરતી ઇન્ટરવ્યૂ યુનિવર્સિટી ખાતે આયોજિત કરવામાં આવ્યા છે.

11 માસ માટે ના કરાર આધારિત લેવાનાર ઇન્ટરવ્યૂ પ્રક્રિયામાં વિવિધ વિષયોના તજજ્ઞો દ્વારા ઇન્ટરવ્યૂ લેવામાં આવશે. આ ઇન્ટરવ્યૂમાં પીએચડી, નેટ અને સ્લેટ ત્રણ માંથી કોઈપણ એક ધરાવતા ઉમેદવારોને બોલાવવામાં આવશે અને જે બાબતની યુનિવર્સિટી ની વેબસાઈટ ઉપર તમામ પ્રકારની જાણકારી મૂકવામાં આવી હોવાનું યુનિવર્સિટી ના રજીસ્ટાર ડો.રોહિતભાઈ દેસાઈએ જણાવ્યું હતું.

યુનિવર્સિટીમાં કરાર આધારિત 11 માસ માટે ટીચિંગ સ્ટાફમાં ગણિત, કેમેસ્ટ્રી, એમ બી એ, એમ કોમ, બી બી એ, આર્કિટેક, લો સહિતના વિષય સ્ટાફ માટે ના ઇન્ટરવ્યૂ આગામી 13 અને 14 ઓગસ્ટ ના રોજ યુનિવર્સિટી ખાતે વિવિધ વિષયોના તજજ્ઞ દ્વારા લેવામાં આવશે. જ્યારે તા. 16 અને 17 ઓગસ્ટ ના રોજ બિન શૈક્ષણિક સ્ટાફમાં લેબ આસિસ્ટન્ટ અને ટેક્નિશિયનની ભરતી માટે ના ઇન્ટરવ્યૂ યોજવામાં આવનાર હોવાનું યુનિવર્સિટી રજીસ્ટાર ડો. રોહિત ભાઈ દેસાઈ એ જણાવ્યું હતું.

અહેવાલ યશપાલ સ્વામી