જીલ્લા કાનૂની સેવા સત્તા મંડળ પાટણના સેક્રેટરીએમેગા કેમ્પ આયોજન માટે માગૅદશૅન પુરૂ પાડ્યું..
પાટણ તા. ૮
નામદાર ગુજરાત રાજ્ય કાનૂની સેવા સત્તા મંડળ, અમદાવાદની સૂચના અનુસાર મુખ્ય જિલ્લા ન્યાયા ધીશ વ ચેરમેન પી. એચ.શેઠ,જિલ્લા કાનૂની સેવા સત્તા મંડળ પાટણના માર્ગદર્શન હેઠળ જિલ્લા કાનૂની સેવા સત્તા મંડળના સેક્રેટરી સુશ્રી. આર.એ.નાગોરીના અધ્યક્ષ સ્થાને આગામી આયોજિત મેગા લીગલ સર્વિસ કેમ્પના આયોજન ને લઈને ગુરૂવારે બેઠક યોજાઈ હતી.
ગુજરાત રાજ્ય કાનૂની સેવા સત્તા મંડળ, અમદાવાદના આદેશ અનુસાર આ મેગા લીગલ સર્વિસ કેમ્પ ૨૯ ઓગસ્ટના રોજ પાટણ જિલ્લા વહીવટી તંત્ર સાથે યોજવામાં આવશે. આ મેગા લીગલ સર્વિસ કેમ્પ આધારકાર્ડ, પ્રાથમિક આરોગ્ય સેવાઓ, સામાજિક વિભાગની સેવાઓ, નગરપાલિકા વિભાગની સેવાઓ વગેરેના લાભ લાભાર્થીઓને સ્થળ પર મળી રહેશે. આ બેઠકમાં પ્રાંત અધિકારી પાટણ ઉપરાંત જિલ્લાના ઉચ્ચ અધિકારીઓ ઉપસ્થિત રહ્યા હતા.
અહેવાલ યશપાલ સ્વામી