પાટણના ધ્વનિ સંગીત પરિવારના પ્રમુખ પદે અશોકભાઇ વ્યાસ ની પુનઃ વરણી કરાઈ..

મંત્રી અને ટ્રેઇનર સહિત કારોબારી સભ્યો ની પણ સવૉનુમતે વરણી કરવામાં આવી..

પાટણ તા. ૧૦
તાજેતરમાં મળેલી ધ્વનિ કલ્ચરલ એન્ડએજયુકેશન ટ્રસ્ટની સામાન્ય સભામાં પાટણ નગરદેવી શ્રી કાલિકા માતાજીના ઉપાસક અને વિદ્વાન સાહિત્યકાર અશોકભાઇ વ્યાસ (દાદા) ની સંસ્થાના પ્રમુખ તરીકે પુનઃ વરણી કરવામાં આવી છે. તો ઉપપ્રમુખ પદે કાનજી ભાઈ પટેલ તથા નટવર સિંહ ચાવડા, મત્રી અતુલ ભાઈ નાયક, ખજાનચી અશ્વિન ભાઇ નાયક, સહમંત્રી તરીકે આત્મારામભાઈ નાયી તથા મહાસુખ લાલ મોદી, ઇન્ટરનલ ઓડિટર તરીકે વિનોદભાઇ હડીયાની સર્વાનુમતે પુનઃ વરણી કરવામાં આવી હતી.

તદુપરાંત આ સંસ્થાના વર્ષ ૨૦૨૪-૨૫ના કારોબારી સભ્યો તરીકે ડૉ. શૈલેષ સોમપુરા, ડૉ. સ્મિતા વ્યાસ, ડૉ.આરતી પટેલ, ડૉ.વિરલ શાહ, ડૉ. વિમલ ખમાર, વિજયભાવસાર, પરીમલ રામી, સુરેશ નાયી, મૃગેશ રાવલ, પિયુષ ખમાર, રમેશ ઠકકર, ઇશ્વર પરમાર, શીતલ રાજપુત, હરેશ નાથ, નૈમેશ ગાંધી, મયંક ગાંધી અને ઉષા શાહની સવૉનુમતે વરણી કરવામાં આવી હતી.

પાટણના લબ્ધ પ્રતિષ્ઠિત મહાનુભાવોનું બનેલુ ધ્વનિ કલ્ચરલ એન્ડ એજયુકેશન ટ્રસ્ટ પાટણ સહીત સમગ્ર ઉત્તર ગુજરાતની ગીત-સંગીત માં રસ ધરાવતી તમામ વ્યકિતઓને શાસ્ત્રીય ઢબે તૈયાર કરીને તેમને યોગ્ય મંચ પુરો પાડીને પ્રોત્સાહીત કરી રહ્યુ છે. તૈયાર થયેલી પ્રતિભાઓને રાજયકક્ષાએ તથા રાષ્ટ્રીય કક્ષાએ યોગ્ય રીતે રજુ કરીને હરીફાઇમાં ભાગ લેવાની તક પુરી પાડે છે. સંસ્થા પોતે વર્ષમાં બે ત્રણ કાર્યક્રમોનુ આયોજન કરીને સફળ નિવડેલા તથા તાલીમ લઇ રહેલા છાત્રોને પોતાની કલા રજુ કરવાની પણ તક આપે છે. આ સંસ્થા હવે પોતાનો વ્યાપ વધારીને નવી નવી પ્રતિભાઓને બહાર લાવવા સતત પ્રયત્નશીલ રહેશે તેવું નવનિયુક્ત પ્રમુખ અશોકભાઈ વ્યાસે જણાવ્યું હતું.

અહેવાલ યશપાલ સ્વામી