ભાજપ અનુસૂચિત જાતિ મોરચા દ્વારા આયોજિત સંવિધાન પખવાડિયા નું વરાણા ખાતે સમાપન…

ગુજરાત પ્રદેશ અનુસૂચિત જાતિ મોરચાના અધ્યક્ષ સહિત મોટી સંખ્યામાં આગેવાનો અને કાર્યકર્તાઓ ઉપસ્થિત રહ્યા..

પાટણ તા. ૭
ભારતીય જનતા પાર્ટી અનુસૂચિત જાતિ મોરચા દ્રારા તા. ૨૦ નવેમ્બર થી તા .૬ ડીસે.સુધી સંવિધાન ગૌરવ પખવાડિયા અંતર્ગત રાજ્યભર વિવિધ સેવાકીય કાર્યક્રમ અને ડો.બાબાસાહેબ ના જીવન કવન ઉપર ના વ્યાખ્યાનો સાથે બંધારણ ના આમુખ અને પઠન તથા સ્વચ્છતા ના કાર્યક્રમો સાથે પ્રબુદ્ધ નાગરિકો સાથે સંવાદ નું આયોજનો કરવામાં આવ્યું હતું.

આ કાર્યક્રમ નું તા. ૬-ડીસે ડો. બાબાસાહેબ ના મહાપરિનિર્વાણ દીન ના રોજ પાટણ જીલ્લા ભાજપ અનુસુચિત જાતિ મોરચા દ્રારા વરાણા ખાતે સમાપન કરવામાં આવ્યું હતું. આ પ્રસંગે સંવિધાન પૂજન, ભીમ ભજન અને સમાજ ના આગેવાનો સાથે સંવાદ નો ત્રિવેણી સંગમ સમાન સુંદર કાર્યક્રમ પ્રિતિ ભોજન સાથે મોરચા ના જિલ્લા પ્રમુખ વશરામભાઈ વઢીયારી અને તેમની ટીમ દ્રારા કરાયુ હતુ..

વરાણા ખાતે આયોજિત આ કાર્યક્રમ મા ગુજરાત પ્રદેશ ભાજપ અનુસુચિત જાતિ મોરચા અધ્યક્ષ ગૌતમભાઈ ગેડીયા, રાધનપુરના ધારાસભ્ય લંવિગજી ઠાકોર, અનુસૂચિત જાતિ મોરચા ના ઉપાધ્યક્ષ રમેશભાઈ જાકેસરા, મોરચા ના મહેસાણા લોકસભા પ્રભારી પ્રવીણભાઈ પરમાર, પાટણ ન.પા. પ્રમુખ હીરલબેન સહિત વિવિધ જગ્યા ઓ ના પૂજય સંતો મહંતો તેમજ સંગઠન ના અગ્રણીઓ, પદાધિકારીઓ, સમાજ શ્રેષ્ઠીઓ સહિત બહોળી સંખ્યામા લોકોએ ઉપસ્થિત રહી સૌએ જ્ઞાતિ જાતિ ના વાડા થી ઉપર ઉઠી ડો.બાબાસાહેબ સાહેબ ના ત્રણ મંત્રો શિક્ષિત બનો, સંગઠીત બનો અને સંધર્ષકરો ના જયઘોષ સાથે ડૉ.બાબાસાહેબ આંબેડકર અમર રહો ના નારા લગાવ્યા હતા.

અહેવાલ યશપાલ સ્વામી