બાલીસણા પ્રા.આરોગ્ય કેન્દ્ર ખાતે જન આરોગ્ય સમિતિ ની બેઠક મળી.

ચાંદી પુરા વાયરસ ની જાગૃતતા સાથે સરકારની આરોગ્ય લક્ષી યોજનાનો લોકો લાભ લે તે માટે સમિતિ ને સુચન કરાયા..

પાટણ તા. ૧૦
બાલીસણા પ્રાથમિક આરોગ્ય કેન્દ્રમાં (PHC) ની જન આરોગ્ય સમિતિ (JAS) ની મીટીંગ તાલુકા હેલ્થ ઓફિસર ડો.અલ્કેશભાઈના અધ્યક્ષ સ્થાને શનિવારે મળી હતી. જેમા ચાંદીપુરા વાયરસની કામગીરી તથા લોકોને સાવચેત રાખવા માહિતી આપી, સગર્ભા માતાઓની માહિતી મેળવી સંસ્થા
કીય સરકારી હોસ્પિટલમાં જ ડીલીવરી થાય એવી સુચના આપી, પાણીજન્ય રોગચાળો ન થાય તેની તકેદારી રાખી જરૂરી કાર્યવાહી કરવા સુચના આપી

આરોગ્યને લગતી ભારત સરકાર તથા ગુજરાત સરકાર ની યોજનાની સમીક્ષા કરી પાત્રતા ધરાવતા લાભાર્થીઓ લાભ થી વંચિત ન રહી જાય અને તેઓ સરકાર ની આરોગ્ય ની યોજનાઓ લાભ લે એ માટે આરોગ્ય ના કર્મચારીઓ તથા આશા વર્કર બહેનોનું સંકલન કરી માહિતગાર કરવા સુચના આપી ટીબી મુકત ગામોને એવોર્ડ માટે જરૂરી માર્ગદર્શન આપી ટીબી મુકત ગામ માટે કરવાની કામગીરી ની વિગતવાર માહિતી આપી હતી.

આ પ્રસંગે બાલીસણા પ્રાથમિક આરોગ્ય કેન્દ્રના મેડિકલ ઓફિસર ડો. પી. આર. ઝાલા તથા જન આરોગ્ય સમિતિના સભ્ય વ ચેરમેન સામાજિક ન્યાય સમિતિ તાલુકા પંચાયત પાટણ નરેશભાઈ પરમાર, પ્રાથમિક આરોગ્ય કેન્દ્ર બાલીસણાનો સ્ટાફ
ગણ ઉપસ્થિત રહ્યો હતો.

અહેવાલ યશપાલ સ્વામી