પાટણ લાયન્સ – લીઓ પરિવાર દ્વારા ધ્વજ વંદન સાથે દેશભક્તિ અને શૌર્ય ગીત સ્પર્ધાનું આયોજન કરાયું..

દેશભક્તિના રંગારંગ કાર્યક્રમને સફળ બનાવવા લાયન્સ- લીઓ પરિવારના સભ્યોએ જહમત ઉઠાવી..

પાટણ તા. 15
પાટણ શહેર સહિત સમગ્ર જિલ્લામાં 15 મી ઓગસ્ટ 78 માં સ્વાતંત્ર પર્વની હર્ષોઉલ્લાસ પુર્ણ માહોલ માં ઉજવણી કરવામાં આવી હતી. ત્યારે પાટણ શહેરમાં સેવાકીય ક્ષેત્રે હંમેશા તત્પર રહેતી લાયન્સ અને લીઓ ક્લબ દ્વારા 78 માં સ્વાતંત્ર પર્વની લાયન્સ હોલ ખાતેના ટેરેસ પર રાષ્ટ્ર ધ્વજ લહેરાવી દેશદુલારા તિરંગા ને સલામી આપી દેશભક્તિની ભાવનાને ઉજાગર કરવામાં આવી હતી.

લાયન્સ હોલ ખાતે આયોજિત કરાયેલા 78 માં સ્વાતંત્ર પર્વની ઉજવણીના કાર્યક્રમમાં લાયન્સ પ્રમુખ બ્રિજેશ પટેલના હસ્તે રાષ્ટ્ર ધ્વજને લહેરાવવામા આવતાં ઉપસ્થિત સૌ લાયન્સ- લીઓ પરિવારના સભ્યોએ રાષ્ટ્રધ્વજને સલામી આપી હતી.

લાયન્સ અને લિયો ક્લબ દ્વારા 78 માં સ્વાતંત્ર પર્વની ઉજવણીના ઉપલક્ષ્યમા ધ્વજવંદન ની સાથે સાથે દેશભક્તિ અને શૌર્ય ગીતની સ્પર્ધાનું પણ સુંદર આયોજન લાયન્સ હોલ ખાતે કરવામાં આવ્યું હતું. જે સ્પર્ધામાં ભાગ લેનારા અને પ્રથમ, દ્વિતીય અને તૃતીય નંબર પ્રાપ્ત કરનાર સ્પર્ધકોને લાયન્સ લીઓ પરિવાર દ્વારા શિલ્ડ, પ્રમાણપત્ર અને રોકડ પુરસ્કાર આપી સન્માનિત કરવામાં આવ્યા હતા. તો અન્ય સ્પર્ધકોને પણ પ્રમાણપત્ર આપી પ્રોત્સાહિત કરાયા હતા.

પાટણ લાયન્સ અને લીઓ ક્લબ દ્વારા 15 મી ઓગસ્ટ 78 માં સ્વાતંત્ર પર્વ નિમિત્તે આયોજિત કરાયેલા દેશભક્તિ સભર ના આ કાર્યક્રમને સફળ બનાવવા લાયન્સ અને લીઓ પરિવારના સભ્યોએ જહેમત  ઉઠાવી હતી.

અહેવાલ યશપાલ સ્વામી