પાટણ યુનિવર્સિટી ખાતે ૭૮ મા સ્વાતંત્ર્ય પર્વનીકુલપતિ ના અધ્યક્ષ પદે ઉજવણી કરાઈ…

આજે ઈસરોએ અવકાશ ક્ષેત્રે ભારતને ગૌરવ પ્રદાન કર્યુ છે : કુલપતિ..

પાટણ તા. ૧૫
પાટણ સ્થિત હેમચંદ્રાચાર્ય ઉત્તર ગુજરાત યુનિવર્સિટીના પ્રાંગણમાં કુલપતિ ના અધ્યક્ષ પદે 78 મા
સ્વાતંત્ર્ય પર્વની ઉજવણી કરવામાં આવી હતી. યુનિવર્સિટીના કુલપતિ પ્રો કે.સી.પોરિયા એ રાષ્ટ્ર ધ્વજ લહેરાવી દેશ દુલારા ત્રિરંગાને સલામી આપી હતી. આ પ્રસંગે NCC કેડેટ્સ દ્વારા પરેડ કરવામા આવી હતી. રાષ્ટ્રગીત, વંદેમાતરમ સાથે આ પર્વને ઉજવવામા આવ્યો હતો.

આ પ્રસંગે કુલપતી પ્રો.કે સી.પોરિયાએ જણાવ્યું હતું કે, ભારતને આઝાદી મળ્યા બાદ આજે દરેક ક્ષેત્રમાં પ્રગતિ જોવા મળી રહી છે. આજે ભારતના પુર્વ રાષ્ટ્રપતી અને વૈજ્ઞા નિક એવા ડો.એ.પી.જે અબ્દુલ કલામ હોય કે બીજા ઘણા નામી વૈજ્ઞાનિકોના યોગદાન થકી ઈસરોએ અવકાશ ક્ષેત્રે ભારતને ગૌરવ પ્રદાન કર્યુ છે. આ પ્રસંગે તેમણે ભારતની આઝાદીના લડવૈયાઓને યાદ કર્યાં હતા. સાથે સાથે વર્તમાન સમયમાં સરકાર દ્વારા સૌના સાથ સૌના વિકાસ સૂત્રને સાર્થક કરવા લાગેલી મહેનત ને સાર્થક લેખાવી હતી.

આજનો આઝાદ ભારતનો યુવા મુક્ત પણે પોતાના સ્વપ્ન સાકાર કરવા આગળ આવી રહયો છે. સરકારે પણ સ્ટાર્ટ અપ સ્ટેન્ડ અપ પર યુવાનો માટે આત્મ ઘડતરના અને રોજગારી સર્જન ક્ષેત્રે ભારતને આગળ વધાર્યું છે. ત્યારે દેશના યુવાનો પણ નશામુકત બની પોતાની સ્કિલને ઉપયોગમાં લાવી સ્કીલ ઈન્ડિયાનું નિર્માણ કરે તે જરૂરી છે.

આ પ્રસંગે તેમણે રાજસ્થાન ના નાનકડા ગામમાં એક દીકરીના મૃત્યુ બાદ તેના પિતા એ 111 વૃક્ષોના જતન બાદ આખું ગામ હરિયાળું બનાવ્યું તેનું ઉદાહરણ આપીને પ્રકૃતિ જતનનો સંદેશ આપ્યો હતો. આ પ્રસંગે યુનિવર્સિટીના રજીસ્ટ્રાર ડો.રોહિતભાઇ દેસાઈ સહિત યુનિવર્સિટીના વિવિઘ વિભાગોના વડા, અધ્યાપકો, કર્મચારીઓ, NCC કેડેટ સહિતના ઓ ઊપસ્થિત રહ્યા હતા.

અહેવાલ યશપાલ સ્વામી