મુંબઈ-કચ્છ એક્સપ્રેસ રેલવેના 1200 મુસાફરોને પાટણની વિવિધ સંસ્થાઓએ પોતાની સેવા નો પરિચય કરાવ્યો…

વરસાદના કારણે ડાયવર્ટ કરાયેલી રેલવે મા 24 કલાક થી મુસાફરી કરી રહેલા મુસાફરોને ચા-પાણી અને નાસ્તા ની સુવિધા પુરી પાડવામાં આવી..

પાટણની વિવિધ સંસ્થાઓની નિસ્વાર્થ સેવાને રેલવે ના મુસાફરો સહિત રેલવે પરિવારે સરાહનીય લેખાવી..

પાટણ તા. 27
મુંબઈ થી સોમવારે રાત્રે ઉપડેલી કચ્છ એક્સપ્રેસ ટ્રેન વરસાદી માહોલના કારણે ડાયવર્ટ કરાઈ હોય અને આ રેલવે પાટણ થી પસાર થતાં રેલવે માં મુસાફરી કરી રહેલા 1200 થી વધુ મુસાફરો કે જેવો છેલ્લા 24 કલાકથી વધુ સમયથી રેલવેમાં મુસાફરી કરી રહ્યા હોય તે તમામ મુસાફરો ને પાટણની વિવિધ સેવાકીય સંસ્થાઓ દ્વારા ચા-પાણી નાસ્તાની વ્યવસ્થા ઉપલબ્ધ બનાવતા ટ્રેનમાં મુસાફરી કરી રહેલા તમામ મુસાફરો સહિત રેલવે પરિવારે પાટણની સેવાકીય સંસ્થાઓની સેવા ને સરાહનીય લેખાવી આભારની લાગણી વ્યક્ત કરી હતી.

રેલવે ના મુસાફરોને પાટણની સેવાકીય સંસ્થાઓની સેવાનો લાભ અપાવનાર રિલાયન્સ ફાઉન્ડેશન પાટણના જાણીતા સેવાભાવી અગ્રણી મુકેશભાઈ દેસાઈ,રામ રહીમ સંસ્થાના યતીનભાઈ ગાંધી, દિલીપ ભાઈ સુખડિયા, એકટીવ ગૃપના સ્થાપક પ્રમુખ દિલીપભાઈ પટેલ અને માં પરિવારના દર્શકભાઈ ત્રિવેદી એ જણાવ્યું હતું કે મંગળવારે સાંજે મહેસાણા રેલ્વે ડિવિઝનમાંથી ફોન આવેલો કે મુંબઈથી સોમવારે રાત્રે નીકળેલી કચ્છ એક્સપ્રેસ ટ્રેન ને વરસાદી વાતાવરણના કારણે ડાયવર્ટ કરાતા આ ટ્રેન વાયા વિરમગામ,
મહેસાણા, પાટણ, ભીલડી, રાધનપુર થઈને કચ્છ તરફ જનાર છે.

પરંતુ રેલવેમાં મુસાફરી કરી રહેલા મુસાફરો છેલ્લા 24 કલાકથી વધુ સમયથી રેલવેમાં મુસાફરી કરી રહ્યા છે. ત્યારે આ તમામ મુસાફરોને ચા-પાણી અને નાસ્તાની વ્યવસ્થા ઉપલબ્ધ બને તે માટે જણાવી મહેસાણા રેલ્વે ડિવિઝન દ્વારા પાટણ રેલવે સ્ટેશન પર ઉપરોક્ત રેલવે ને 20 મિનિટ હોલ્ટ આપવાનું જણાવતા મુકેશભાઈ દેસાઈ, યતીનભાઈ ગાંધી, દિલીપભાઈ સુખડીયા, દિલીપભાઈ પટેલ અને દશૅકભાઈ ત્રિવેદી એ એકપણ મિનિટનો વિલંબ કર્યા વીના તત્કાલ તેઓએ પાટણ SDM મિતુલભાઈ પટેલ, એકટીવ ગૃપ ના મગનભાઈ માનસી, મિલિંદ ત્રિવેદી સહિત રોટરેકટ કલબ, બાલાજી ગૃપ પાટણ સાથે વિવિધ સંસ્થાના 150 થી વધુ સેવાભાવી ઓને ઉપરોક્ત બાબત જણાવતાં તમામ સેવાભાવી સંસ્થાઓએ આ સેવાકાર્ય ની સમંતિ આપતા તમામનું લાઈઝનીગ રિલાયન્સ ફાઉન્ડેશન ના મુકેશભાઈ દેસાઈ એ કરી પાટણ રેલવે સ્ટેશન પર તાત્કાલિક પહોંચી જઈ ચા-પાણી નાસ્તા સાથે ફૂડ પેકેટની વ્યવસ્થા ઉપલબ્ધ બનાવી

તમામ સેવાભાવીઓ એ પોતાની જાતે જ રેલવે ના એક એક ડબ્બામાં ફરીને 1200 જેટલા મુસાફરો ને ફૂડ પેકેટ, પાણી અને ચા ની વ્યવસ્થા પુરી પાડતા રેલવે ના તમામ મુસાફરો સહિત રેલવે પરિવારે પાટણ ની સેવાકીય સંસ્થાઓની સેવાને સરાહનીય લેખાવી રિલાયન્સ ફાઉન્ડેશનના મુકેશભાઈ દેસાઈ, રામ રહીમ સંસ્થાના યતીનભાઈ ગાંધી, દિલીપભાઈ સુખડીયા,એકટીવ ગૃપના સ્થાપક પ્રમુખ દિલીપભાઈ પટેલ અને મા પરિવારના દર્શકભાઈ ત્રિવેદી સહિત પાટણની તમામ સેવાભાવી સંસ્થાઓ પ્રત્યે આભાર પ્રગટ કર્યો હતો.

અહેવાલ યશપાલ સ્વામી