નેશનલ યુવા કોઓપરેટી ક્રેડિટ સોસાયટી પાટણ બ્રાન્ચ ની ઉત્તમ કામગીરી બદલ સન્માનિત કરાઈ..

છેલ્લા પાંચ વર્ષથી પાટણ બ્રાન્ચ એક થી પાંચ નંબર પ્રાપ્ત કરી સન્માનિત થતી હોય ઉપસ્થિત સૌએ શુભેચ્છાઓ પાઠવી..

પાટણ તા. ૨૮
નેશનલ યુવા કો-ઓપ.ક્રેડીટ સોસાયટી(NYCS) દ્વારા દર વર્ષે યોજાતી જનરલ મિટિંગ (AGM) નું દિલ્હી મુકામે આયોજન કરવામાં આવ્યુ હતું. જેમાં દરેક જિલ્લાના અને તમામ રાજ્યના પ્રતિનિધિ તેમજ તમામ બ્રાન્ચના પ્રમુખ અને મંત્રી હાજર રહ્યા હતાં. ચાલુ વર્ષે NYCS ની સ્થાપના ને ૨૫ વર્ષ પૂર્ણ થતાં હોય તે નિમિતે દેશ ભરની NYCS ની ઉત્તમ કામગીરી કરનારી પાંચ બ્રાંચ નું સન્માન કરવામાં આવ્યું હતું

જેમાં ગુજરાત ની એક માત્ર પાટણ બ્રાંચ (જન નિધિ) ના પ્રમુખ હિરેન શાહ તથા મંત્રી ઈશ્વરભાઈ પરમાર નું સન્માન નેશનલ યુવા કો-ઓપરેટીવ સોસાયટી ના પ્રમુખ પ્રકાશજી શાહું તથા ચેરમેન રાજેશજી પાંડે ના હસ્તે કરવામાં આવ્યું હતું.

છેલ્લા પાંચ વર્ષથી પાટણ બ્રાન્ચ સતત પ્રથમ 1 થી 5 મા સ્થાન પામતું હોય જેને ઉપસ્થિત સૌએ બિરદાવી પાટણ બ્રાંચ ના પ્રમુખ,મંત્રી અને કારોબારી સભ્યો તેમજ મનેજર સહિત ના સ્ટાફ અને દરેક સભાસદો માટે શુભેચ્છા પાઠવી હતી.

અહેવાલ યશપાલ સ્વામી