પાટણના મોઢ મોદી સમાજે શ્રાવણ માસના અંતિમ રવિવારે પરંપરાગત વરબેડાની ધાર્મિક વિધિની ઉજવણી કરી..

મોદી સમાજ ની પરંપરાગત ઉજાણી પ્રસંગે હવન સહિત ના ધાર્મિક ઉત્સવો ઉજવાયા..

પાટણ તા. ૧
પાટણ મોઢ મોદી યુવક મંડળ દ્વારા શ્રાવણ માસના અંતિમ રવિવારે પરંપરાગત ઉજાણી અને બાધા મનતાની વિધિ સહિત ના ધાર્મિક ઉત્સવો ઉજવવામાં આવ્યા હતા. પાટણ શહેરમાં વસતા મોઢ મોદી સમાજ દ્વારા શહેરના અલગ અલગ વિસ્તારોમાંથી ઉજાણીનું આયોજન કરવામાં આવે છે. ત્યારે આજે હિંગળાચાચર વિસ્તારમાં વસતા મોદી સમાજના કુટુંબો દ્વારા વર્ષોથી ચાલી આવતી પરંપરાને અકબંધ જાળવી રાખી હતી.

પાટણ શહેરમાં શ્રાવણ માસના અંતિમ રવિવારે મોદી સમાજની જે મહિલાઓએ બાળકની બાધા માનતા રાખી હોય અને પુત્ર જન્મ થયો હોય તેવી મહિલાઓએ વર બેડા માથે ઉપાડી ખુલ્લા પગે સિંધવાઈ માતાના મંદિર ખાતે વાજતે ગાજતે પ્રસ્થાન કર્યું હતું.

ત્યાર બાદ આ 22 વર બેડા માતાજી સમક્ષ મૂકી પોતાની બાધા માનતા પૂર્ણ કરી હતી તેમજ માતાજી સમક્ષ શીરાની પ્રસાદીનું નિવેધ ધરાવી મોદી સમાજે ધન્યતા અનુભવી હતી.મોદી સમાજ ની ઉજાણી પ્રસંગે મોટી સંખ્યા મોદી સમાજ લોકો ઉપસ્થિત રહ્યા હતા.

સિંધવાઈ માતાજી મંદિર પરિસર માં હવનનું પણ આયોજન કરાયું હતું જેમાં યજમાન તરીકે સાગરભાઈ જયંતિલાલ પાનવાલા પરિવારે લાભ લીધો હતો આ પ્રસંગે સમાજના દાતાઓનું સન્માન કરવામાં આવ્યું હતું .મોટી સંખ્યામાં જ્ઞાતિ સમાજના લોકો પ્રસંગમાં જોડાયા હતા.

અહેવાલ યશપાલ સ્વામી