માતાજી સન્મુખ હવન – યજ્ઞ સહિત નૈવેધ ના ધામિર્ક પ્રસંગો ઉજવાયા..
પાટણ તા. ૧૦
પાટણ શહેરમાં રવિવારે ક્ષત્રિય ઠાકોર સમાજની સમૂહ ઉજાણી નું પર્વ ભક્તિ સભર માહોલમાં ઉજવાયું હતું. પાટણના જળચોક ઠાકોર વાસ ખાતેથી પરિવારના સભ્યો માતાજી ની ધજા સાથે સૌ સમૂહમાં માતાજીના જયજયકાર સાથે નીકળ્યા હતા.તો બહેનો માથે ટોપલા ઉપાડી સાથે જોડાયા હતા.
શહેરના સુભાષચોક થી મુખ્ય માર્ગ થઈ અંબાજી નેળીયા ખાતે આવેલ મહાકાળી માતાના મંદિરે સૌએ પહોંચી માતાજીના સાનિધ્યમાં હવન, યજ્ઞ સહિતના ધામિર્ક પ્રસંગો ઉજવી માતાજીને નૈવેધની પ્રસાદી ચડાવાઈ હતી અને સૌએ માતાજીના હવન યજ્ઞ સહિત ના ધામિર્ક પ્રસંગમાં સહભાગી બની માતાજીનો સમૂહ નૈવેધ નો પ્રસાદ ગ્રહણ કરી સમૂહ ઉજાણીના પર્વને યાદગાર બનાવ્યું હતું.
અહેવાલ યશપાલ સ્વામી