પાટણ જીલ્લાના ખેડૂતોનેરાસાયણિક ખાતર નો જથ્થો તાત્કાલિક મળે તે માટે કૃષિ મંત્રીને પાટણ એમએલએ નો પત્ર.

પાટણ તા. ૧૯
પાટણ જીલ્લા ના ખેડૂતો ને
રાસાયણિક ખાતર નો જથ્થો તાત્કાલિક મળે તે માટે કૃષિ મંત્રીને પાટણ એમએલએ દ્રારા પત્ર લખી રજુઆત કરવામાં આવી હોવાનું જાણવા મળ્યું છે. ઉપરોક્ત વિષય અન્વયે પત્રમાં ધારાસભ્ય એ જણાવ્યું છે કે, પાટણ જીલ્લા માં અતિ ભારે વરસાદ થવાના કારણે ખેડૂતોના ખેતર નુ મોટા પાયે ધોવાણ થયેલ છે તેમજ ચોમાસું પાક નિષ્ફળ ગયેલ છે ખેડૂતોને શિયાળુપાક ની આશા છે. શિયાળુ પાકમાં એરંડા રાયડો, જીરું, જેવા પાકોમા ખાતરની ખુબ જ જરૂરિયાત રહે છે.

પાટણ જિલ્લામાં પૂરતા પ્રમાણમાં રસાયણિક ખાતર ને અભાવે ખેડૂતો શિયાળુ પાકનુ વાવેતર કરી શકતા નથી.કારણ કે પૂરતા પ્રમાણમાં ખેતર માં રાસાયણિક ખાતર નાખવામાં ના આવે તો પાક ઉતરે નહિ અને ખેડૂતો ની મહેનત અને પૈસા પાણીમાં જાય જેથી પાટણ જીલ્લાના ખેડૂતોનો પાક બચાવવા પૂરતા પ્રમાણમાં રાસાયણિક ખાતર જેવું કે યુરિયા, ડી.એ.પી કે એન.પી.કે તાત્કાલિક મળે એ માટે વ્યવસ્થા કરવા તેઓએ વિનંતી સાથે રજુઆત કરી હોવાનું જાણવા મળ્યું છે.

અહેવાલ યશપાલ સ્વામી