પ્રાથમિક શિક્ષકોની જીલ્લા ફેર બદલી કેમ્પ ત્વરિત ગોઠવવા પાટણ ધારાસભ્ય ની રજુઆત…

પાટણ તા. ૧૯
પ્રાથમિક શિક્ષકોની જીલ્લા ફેર બદલી કેમ્પ ત્વરિત ગોઠવવા પાટણ ધારાસભ્ય દ્વારા મંત્રી કુબેર ડીડોર ને પત્ર લખ્યો હોવાનું જાણવા મળ્યું છે. પાટણ ધારાસભ્ય ડો.કે.સી પટેલ દ્વારા લખાયેલા પત્રમાં જણાવ્યું છે કે પ્રાથમિક શિક્ષકોની રાજ્યની ૧૦૦ ટકા જગ્યાઓ બદલી કેમ્પમાં બતાવી ઓનલાઈન જિલ્લા ફેર બદલી કેમ્પ યોજવા બાબતની રજુઆત બદલી ઈચ્છુક શિક્ષક મિત્રો તરફથી તા. ૧૫-૧૦-૨૦૨૪ના રોજ મને મળેલ છે.

શિક્ષણ વિભાગના તા.૧૧-૦૫-૨૦૨૩ના નવા નિયમ (ઠરાવ)મા નવી ભરતી પહેલાં જિલ્લા ફેર બદલી કેમ્પ કરવાની જોગવાઈ કરવામાં આવી છે. વષૅ ૨૦૧૪ થી ૨૦૧૯ સુધીની ભરતી કરાયેલ શિક્ષકોને બદલીનો લાભ મળે તે માટે આવનારા સમયમાં થનાર ભરતી પહેલાં આવા શિક્ષકોને જિલ્લા ફેર બદલી કેમ્પમાં તમામ હયાત ખાલી જગ્યાઓ બતાવીને જિલ્લા ફેર બદલી કેમ્પ થાય તે જરૂરી છે. આથી, આ બાબતે આપની કક્ષાએથી યોગ્ય કાર્યવાહી થવા વિનંતી સાથે તેઓએ રજુઆત કરી હોવાનું જાણવા મળ્યું છે.

અહેવાલ યશપાલ સ્વામી