પાટણના શ્રી કાળભૈરવ દાદા મંદિર પરિસર ખાતે ઉજવવામાં આવનાર દાદાના પાંચમા જન્મોત્સવ ની ચાલતી તડામાર તૈયારીઓ..

શહેરના મુખ્ય બજાર માર્ગ ઉપર દાદાના ઉત્સવમાં ભક્તોને આવકારતી કમાનો ઉભી કરાઈ..

દાદાના જન્મોત્સવને લઈને યોજાનારા વિવિધ ઉત્સવોની ઉછામણી કરાશે..

પાટણ તા. ૨૮
પાટણના શ્રી કાળભૈરવ દાદાના મંદિર પરિસર ખાતે દાદાનો પાંચમો જન્મજયંતિ ઉત્સવ શ્રી કાળ ભૈરવ સેવક મંડળ દ્વારા પાટણના ધમૅપ્રેમી નગરજનોના સહયોગથી તા. ૨૨ અને તા. ૨૩- ૧૧- ૨૦૨૪ એમ બે દિવસ ઉજવવામાં આવનાર છે. દાદાના પાંચમા જન્મોત્સવ ની ઉજવણી ને લઇ આયોજકો દ્રારા તડામાર તૈયારી ઓ હાથ ધરવામાં આવી છે.

શહેરના રાજમાર્ગ પર શ્રી કાળભૈરવ દાદાના જન્મોત્સવમા પધારવાનું નિમંત્રણ પાઠવતી કમાનો ઉભી કરવામાં આવી છે. શ્રી કાળભૈરવ દાદાના જન્મોત્સવ ની ઉજવણી ને અનુલક્ષીને ઉજવવા માં આવનાર વિવિધ ઉત્સવના પ્રસંગોની ઉછામણી શ્રી કાળ ભૈરવ દાદાના વાર્ષિક મેળાના દિવસે એટલે કે તા.૩-૧૧-૨૦૨૪ ને કારતક સુદ-૨ને રવિવારના રોજ રાત્રે ૮-૦૦ કલાકે મંદિર પરિસરમાં રાખવામાં આવી છે. જેમાં પાટણની ધમૅપ્રેમી જનતાને આ ઉછમણીમાં લાભ લેવા પણ આયોજકોએ અપીલ કરી છે.

પાટણના શ્રી કાળભૈરવ દાદા ના મંદિર પરિસર ખાતે આગામી તારીખ ૨૨ અને ૨૩ એમ બે દિવસ ઉજવાના રા દાદા ના પાંચમા જન્મોત્સવ પ્રસંગે રાસ ગરબા, સમૂહ પ્રસાદ, શોભા યાત્રા, હવન-યજ્ઞ, અન્નકુટ, મહા આરતી સહિતના ધાર્મિક કાર્યક્રમો ઉજવવામાં આવનાર હોવા નું શ્રી કાળભૈરવ દાદા મંદિરના સેવક પરિવારના કનુભાઈ તેમજ દિનેશ ભાઈ (એન્જીનિયર) એ  જણાવ્યું છે.

અહેવાલ યશપાલ સ્વામી