ભૂતપૂર્વ વિદ્યાર્થીઓ દ્રારા શાળાના નવીન ઓરડા અને શેડ માટે રૂ. 11 લાખનું દાન અપૅણ કયુઁ..
પાટણ તા.10
ચાણસ્મા તાલુકાના લણવા ગામે આવેલી ત્રિભુવન વિદ્યાલય માં વર્ષ 1980 માં અભ્યાસ કરતા ભૂતપૂર્વ વિદ્યાર્થીઓના સ્નેહ સંમેલનનો કાર્યક્રમ રવિવારનાં રોજ આયોજિત કરવામાં આવ્યો હતો.1980 માં શાળામાં અભ્યાસ કરનારા 110 થી વધુ ભૂતપૂર્વ વિદ્યાર્થીઓએ આ કાર્યક્રમમાં ઉપસ્થિત રહી શાળાના અભ્યાસ દરમિયાનના સંસ્મરણોને તાજા કરી પોતાના સમય દરમિયાન ના ગુરુઓનું પૂજન કરી રૂડા આશીર્વાદ પ્રાપ્ત કર્યા હતા.
આ પ્રસંગે ઉપસ્થિત રહેલા ભૂતપૂર્વ વિદ્યાર્થીઓએ શાળાના નવીન ઓરડા અને શેડ માટે રૂપિયા 11 લાખનુ અનુદાન શાળા પરિવારને અર્પણ કરી શાળાનું ઋણ અદા કરી ધન્યતા અનુભવી હતી. ચાણસ્મા ના લણવા ખાતે આવેલી ત્રિભુવનવિદ્યાલય ખાતે આયોજિત કરાયેલા ભૂતપૂર્વ વિદ્યાર્થીના સ્નેહ સંમેલન કાર્યક્રમનું સુંદર આયોજન શાળાના ભૂતપૂર્વ વિદ્યાર્થી અને પાટણ બ્રહ્મ સેવા સમાજના ચેરમેન નરેશભાઈ દવે, અશ્વિનભાઈ પટેલ, અરવિંદભાઈ પટેલ સહિતના વિદ્યાર્થીઓ દ્વારા કરવામાં આવ્યું હતું.
