પાટણમાં A1માં એક પણ વિદ્યાર્થી નહીં : શિક્ષણ આલમમાં સન્નાટો…
19 વિદ્યાર્થીઓએ A2, 86 B1,204 B2,344 C1 અને 446 વિદ્યાર્થીઓએ C2 ગ્રેડ મેળવ્યો..
પાટણ તા. 2
ગુજરાત માધ્યમિક અને ઉચ્ચત્તર માધ્યમિક શિક્ષણ બોર્ડ દ્વારા મંગળવારે સવારે માર્ચ-એપ્રિલ 2023માં લેવાયેલી ધો. 12 સાયન્સની પરીક્ષાનું પરિણામ સવારે 9 વાગે વેબસાઇટ પર ઓનલાઇન જાહેર કરવામાં આવ્યું હતું. જેમાં પાટણ જિલ્લાનું 66.54 ટકા પરિણામ જાહેર થતાં અને A 1 ગ્રેડમાં પાટણ નો સમાવેશ ન થતા શિક્ષણ આલમમાં સન્નાટો છવાઈ જવા પામ્યો હતો.
પાટણ કેન્દ્રનું 70.67 ટકા, સિદ્ધપુરનું 61.54 ટકા, ચાણસ્મા કેન્દ્રનું 47.95 ટકા અને રાધનપુર કેન્દ્રનું 67.09 ટકા પરિણામ આવ્યું છે.બોર્ડની વેબસાઇટ પર પરિણામ જાહેર થતાં જ વિદ્યાર્થીઓએ વ્હોટ્સએપ નંબર મેસેજ કરીને પણ પરિણામ મેળવ્યું હતું.
તો કેટલાક વિદ્યાર્થીઓ બોર્ડ ની વેબસાઈટ પર જોયું હતું. સ્કૂલો દ્વારા પોતાના વિદ્યાર્થી ઓના ઈન્ડેક્સ નંબર નાખી માર્કશીટ ડાઉન લોડ કરી પ્રિન્ટ કાઢવામાં આવી હતી. તો કેટલાક વિદ્યાર્થીઓએ મોબાઈલમાં પણ પોતાનું પરિણામ જોયું હતું.
પાટણ જિલ્લામાં 12 સાયન્સનું પરિમાણ જાહેર થતાં જિલ્લાના 1910 વિદ્યાર્થીઓ પૈકી 19 વિદ્યાર્થીઓએ A2, 86 વિદ્યાર્થીઓએ B1 અને 204 વિદ્યાર્થીઓએ B2 ગ્રેડ મેળવ્યો છે. 344 વિદ્યાર્થીઓએ C1 અને 446 વિદ્યાર્થી ઓએ C2 ગ્રેડ મેળવ્યો છે. જ્યારે 170 વિદ્યાર્થી ઓ એ D ગ્રેડ અને 2 વિદ્યાર્થીઓએ E1 ગ્રેડ મેળવ્યો હતો.
