ડોક્ટર દેવેન્દ્ર શર્મા દ્વારા કલેકટરને રાણકીવાવ ની પ્રતિકૃતિ અર્પણ કરી આવકાર્યા..
પાટણ તા. 21
પાટણ ઊંઝા હાઇવે પર આવેલા એપોલો કોમ્પ્લેક્સ માં નવ નિર્માણ પામેલી પાટણ જિલ્લાની સૌ પ્રથમ હાર્ટ સ્પેશિયાલિસ્ટ અત્યાધુનિક પાટણ હાર્ટ હોસ્પિટલ ની પાટણ જિલ્લા કલેકટર અરવિંદ વિજયને શુભેચ્છા મુલાકાત લીધી હતી. તેઓની આ મુલાકાત દરમિયાન પાટણ હાર્ટ હોસ્પિટલ ના તબીબ ડોક્ટર દેવેન્દ્ર શર્મા દ્વારા પાટણ ની ઐતિહાસિક રાણકીવાવ ની પ્રતિકૃતિ ભેટ ધરી આવકાર્યા હતા. પાટણ જિલ્લા કલેકટરે જિલ્લા મથક પાટણ ખાતે અત્યાધુનિક કાર્યરત કરાયેલ પાટણ હાર્ટ હોસ્પિટલ ના ડોક્ટર દેવેન્દ્ર શર્મા સાથે સંપૂર્ણ હોસ્પિટલની મુલાકાત લીધી હતી. અને અદ્યતન સાધન સામગ્રી દ્વારા હાર્ટના દર્દીઓને હોસ્પિટલમાં આપવામાં આવતી સારવાર નીહાળી ડોક્ટર દેવેન્દ્ર શર્માને શુભેચ્છાઓ પાઠવી હતી. કલેકટર અરવિંદ વિજયન ની શુભેચ્છા મુલાકાત દરમિયાન પાટણ પાર્થ સ્ટુડિયોના માલિક જગદીશ ભાઈ શર્મા પણ ખાસ ઉપસ્થિત રહ્યા હતા.
