વીજ સલામતી સપ્તાહ અંતર્ગત યુજીવીસી એલ પાટણ દ્વારા જાગૃતિ રેલી યોજાઇ..

યુ જી વી સી એલ ના કર્મચારીઓ વિવિધ બેનરો અને સૂત્રોચાર સાથે રેલીમાં જોડાયા..

પાટણ તા. 8
સમગ્ર ગુજરાતમાં વીજ કંપનીઓ દ્વારા દર વર્ષે જૂન માસના પ્રથમ વિકમાં વીજ સલામતી સપ્તાહની ઉજવણી કરવામાં આવતી હોય છે.

જે અંતર્ગત પાટણ યુજીવીસીએલ દ્વારા ઇન્ચાર્જ કાર્યપાલક ઇજનેર ડી.એમ.પટેલ તેમજ નાયબ કાર્યપાલક ઇજનેર વી.બી. પટેલ ના વળપણ હેઠળ પાટણ ખાતે વીજ ગ્રાહકોને તેમજ આમ જનતામાં વીજ સલામતી અંગે જાગૃતિ લાવવાના ભાગરૂપે વિશાળ રેલી નું આયોજન કરવામાં આવ્યું હતું.

યુ જી વી સી એલ પાટણ દ્વારા આયોજિત વીજ સલામતી સપ્તાહની ઉજવણીના ઉપલક્ષ્મા યોજાયેલી આ રેલી ugvcl ખાતેથી જાગૃતિ અર્થે ના વિવિધ બેનરો અને સૂત્રોચાર સાથે પ્રસ્થાન પામી શહેરના વિવિધ વિસ્તારો માં ફરી હતી. અને લોકોને વીજ સલામતી અંગે માર્ગદર્શન પણ પૂરું પાડ્યું હતું.

યુજીવીસીએલ પાટણ દ્વારા આયોજિત આ રેલીમાં યુજીવીસીએલ માં ફરજ બજાવતી બહેનો તેમજ ભાઈઓ પણ વિવિધ બેનરો સાથે રેલીમાં જોડાયા હતા.

અહેવાલ યશપાલ સ્વામી