બાબરા ગામમાં ઘૂંટણસમાં પાણી ન ઓછરતાં લોકોને હાલાકી
વહીવટી તંત્ર દ્વારા આજદિન સુધી કોઈ જ પગલાં ન ભરાતાં ગ્રામજનોમાં રોષ
પાટણ જિલ્લાના સાંતલપુરના બાબરા ગામમાં ભારે વરસાદને પગલે પાણીનો નિકાલ નહીં થતા જાહેર રસ્તાઓમાં તેમજ શેરીઓમાં ઠેર ઠેર પાણી ફરી વળ્યા છે. લોકો જેવા ઘરની બહાર નીકળે તરત પાણીમાં ચાલવાનું હોવાથી અવરજવર કરવામાં ખુબ જ મુશ્કેલી અનુભવી રહ્યા છે.
બાબરાથી હાઇવેને જોડતો રોડ મર્યાદાથી ગામથી ખૂબ જ ઉંચો અને રોડની સાઇટ માં જે નિકાલ વર્ષોથી થતો હતો તે વિસ્તારોમાંથી પાણીનો નિકાલ અટકાવી દેવામાં આવતા ઘરોમાં અને શેરીઓમાં પાણી ભરાઇ ગયા છે. જેના પગલે ગ્રામજનોને ભારે હાલાકીનો સામનો કરવાનો વારો આવ્યો છે. રસ્તાઓમાં ભારે જતાં પાણીનો તાત્કાલિક ધોરણે નિકાલ કરવામાં નહીં આવે તો ઘરોમાં પાણી ભરાઈ જવાના કારણે મકાનો પડી જવાની દહેશત ઉભી થવા પામી છે.બાબરા ગામે છેલ્લા પાંચ વરસાદી પાણી નિકાલની આ જ પરિસ્થિતિનું નિર્માણ થઈ રહ્યું છે છતાં જવાબદાર વહીવટી તંત્ર દ્વારા આજદિન સુધી કોઇ જ પગલાં ભરવામાં નહીં આવતા ગ્રામજનોને હાલાકીનો સામનો કરવો પડે છે.
બાબરા ગામની નજીકથી પસાર થતી કચ્છ બ્રાન્ચ કેનાલ નજીકથી પણ પાણી નિકાલ અંગે વ્યવસ્થા નાં હોવાથી સમસ્યા રહે છે.જેનાથી આજુબાજુનાં ખેતરો વાડાઓ અને રસ્તાઓ પાણીથી ભરાઇ ગયા છે.જેમ ચોમાસામાં વરસાદ થાશે તેમ કોઈ જ નિકાલ ન હોવાથી વરસાદનું પાણી વધારે ને વધારે ભરાશે જેનાથી ખૂબ જ મુશ્કેલીઓ સામનો કરવો પડશે અને ગામ ડૂબવા જેવી પરિસ્થિતિનો સામનો કરવો પડે તેવું ગામના વાલાભાઇ આહીર દ્વારા જણાવ્યું હતું.
અહેવાલ યશપાલ સ્વામી
