પાટણ ભૂગર્ભ શાખા દ્રારા કુલડીવાસથી દુઃખવાડા તરફના માગૅ પર 50 મીટર નવીન ભૂગર્ભ લાઈનની કામગીરી શરૂ કરાઈ..

ભૂગર્ભ લાઈનની કામગીરી દરમિયાન પાણીની પાઇપ લાઇન લિકેજ બનતા જળબંબાકાર ની સ્થિતિ સજૉઈ..

પાટણ તા. 27
પાટણ શહેરના કુલડીવાસ મીરા દરવાજા થી દુ:ખવાડા જળચોક તરફ જવાના માર્ગ પર દર ચોમાસાએ ભુવા પડવાની સમસ્યાને ધ્યાનમાં રાખીને પાટણ નગરપાલિકાની ભૂગર્ભ શાખા દ્વારા રૂ. 1.27 લાખના અંદાજિત ખર્ચે 50 મીટર લાંબી નવીન ભૂગર્ભ પાઇપલાઇન ની કામગીરી હાથ ધરવામાં આવી છે.

કોન્ટ્રાક્ટર દ્વારા હાથ ધરાયેલી નવીન ભૂગર્ભ પાઇપલાઇન નાખવાની કામગીરી દરમિયાન મંગળવાર ના રોજ આ વિસ્તારની પાણીની પાઇપલાઇન લીકેજ થતા વિસ્તારમાં જળબંબકારની સ્થિતિ સર્જાવા પામી હતી.

જોકે આ લીકેજ બનેલી પાણીની પાઇપ લાઇનનું યુદ્ધના ધોરણે જેસીબી મશીન સહિતના કર્મચારીઓને કામે લગાડી સમાર કામ હાથ ધરવામાં આવ્યું હતું.

પાટણ નગરપાલિકાની ભૂગર્ભ શાખા દ્વારા શહેરના મીરા દરવાજા કુલડીવાસથી જળચોક દુઃખવાડા તરફ જવાના માર્ગ પર દર ચોમાસાએ સર્જાતી ભુવા પડવાની સમસ્યાના નિરાકરણ માટે વિસ્તાર ના રહીશોની રજૂઆતના પગલે પાલિકા દ્વારા રૂપિયા 1.27 લાખની ગ્રાન્ટ ફાળવી અંદાજિત 50 મીટર લાંબી ભૂગર્ભ ગટર માટે નવીન પાઈપ લાઈન નાખવાની કામગીરી કોન્ટ્રાક્ટર પાસે શરૂ કરવામાં આવી હોવાનું પાટણ નગરપાલિકા ભૂગર્ભ ગટર શાખાના ચેરમેન જયેશભાઈ પટેલે જણાવ્યું હતું.

આ ભૂગર્ભ ગટરની નવીન પાઇપલાઇન નાખવાની કામગીરી દરમિયાન મંગળવારે આ વિસ્તારની પીવાના પાણીની પાઇપ લાઇન લીકેજ બનતા વિસ્તારમાં જળબંબાકાર ની સ્થિતિ નું નિમૉણ થતાં અને આ બાબતે પાટણ નગર પાલિકા ભૂગર્ભ શાખા ના એન્જિનિયર કિર્તીભાઈ પટેલને થતા તેઓએ તાત્કાલિક કોન્ટ્રાક્ટરને સુચના આપી આ લિકેજ પાઈપનું સમારકામ હાથ ધરાવ્યું હોવાનું જાણવા મળ્યું છે.

અહેવાલ યશપાલ સ્વામી