સીધ્ધી સરોવરમાં મોતની છલાંગ લગાવનાર દરજી યુવાનની ફાયર ટીમ ની મહેનતથી આખરે લાશ મળી…

પોલીસે લાશનું પંચનામું કરી પીએમ કરાવી લાશને વાલી વારસો ને સોંપતા ગમગીની છવાઈ..

દરજી યુવાને પોતાના મોબાઇલ મા મરણોતર વિડીયો ક્લિપ બનાવી હોય જેના આધારે પરિવાર દ્વારા ફરિયાદ કરાઈ તેવી સંભાવના..

પાટણ તા. 27 પાટણ શહેરના સુભાષચોક નજીક આવેલ શ્રીનગર સોસાયટીમાં રહેતા અને શહેરના ટેલીફોન એક્સચેન્જ નજીક આવેલ સ્ટર્લીંગ પાર્ક નજીકના કોમ્પ્લેક્સ માં દરજી કામની દુકાન ધરાવતા લવ રાકેશભાઈ દરજી ઉમર વર્ષ 24 ના એ શનિવારની બપોરે અગમ્ય કારણોસર પોતાના જીવનથી નાસીપાસ થઈ સિદ્ધિ સરોવરમાં મોતની છલાંગ લગાવતા અને આ બાબતની જાણ પાટણ નગરપાલિકાના પક્ષના નેતા દેવચંદભાઈ પટેલને થતા તેઓએ તાત્કાલિક નગરપાલિકાના ફાયર વિભાગને તેમજ પોલીસ તંત્રને જાણ કરતા પાલિકાના ફાયર સ્ટેશન અધિકારી સ્નેહલભાઈ મોદી પોતાના સ્ટાફ સાથે જરૂરી બચાવ રાહતના સાધનો સાથે સિદ્ધિ સરોવર ખાતે પહોંચ્યા હતા અને યુવાનની શોધખોળ હાથ ધરી હતી.

જોકે મોડી સાંજ સુધી યુવાનનો પત્તો ન લાગતાં આખરે તંત્ર દ્વારા શોધખોળ ની કામગીરી રવિવારે ચાલુ રાખતા આખરે લીલમા લપેટાયેલ લવ દરજી ની લાશ સવારે 10-00 વાગે મળી આવતા પોલીસે લાશનું પંચનામું કરી પીએમ કરાવી લાશ ને વાલી વારસોને સોંપતા ગમગીની છવાઈ જવા પામી હતી. લવ દરજી ના મોબાઈલ માં તેને મરણોતર નિવેદન આપતો વિડીયો ઉતારેલ હોય જે વિડીયો કલીપ ના આધારે પરિવારજનો દ્વારા પોલીસ ફરિયાદ કરવામાં આવે તેવી સંભાવના વ્યકત કરાઈ હોવાનું જાણવા મળ્યું છે.

અહેવાલ યશપાલ સ્વામી