![](https://369news.in/wp-content/uploads/2023/08/266-animals-were-treated-in-the-animal-health-treatment-camp-at-Khariwadi.1-jpeg.webp)
પાટણ તા. 28 પશુપાલન ખાતું ગુજરાત રાજ્ય ગાંધીનગર તથા ધનિષ્ઠ પશુ સુધારણા યોજના પાટણ દ્રારા જાતિય આરોગ્ય સારવાર જૂથ મથક ગજા દ્વારા પાટણ તાલુકાના ઉપકેન્દ્ર ખારીવાવડી ગામમાં જાતીય આરોગ્ય સારવાર કેમ્પનું આયોજન કરવામાં આવ્યું હતું. આ કેમ્પમાં પશુવંધ્યત્વને લગતા રોગો જેવા કે ગરમીમાંના આવવુ, વારંવાર ઉથલા મારવા ,તરાઈ જવું,ગર્ભ પરીક્ષણ નિદાન, કુત્રિમ બિજદાન તથા કૃમિનાશક દવા પીવડાવી જેવા કેસો ની સારવાર કરવામાં આવી હતી. આ કેમ્પમાં ડો શૈલેષભાઈ પટેલ મદદનીશ પશુપાલન નિયામક જૂથ મથક ગજા,પ્રવીણભાઈ દેસાઈ,પશુધન નિરીક્ષક ખારીવાવડી, આર.એ.પરમાર, વી.બી પટેલ ઉપસ્થિત રહ્યા હતા.કેમ્પમાં ગાય-ભેંસ 96,ઘેટાં બકરા,170 મળી કુલ 266 પશુઓને વિવિધ પ્રકારની સારવાર આપવામાં આવી હતી. આ કેમ્પ ને સફળ બનાવવા માટે ગામના પશુધન નિરીક્ષક પ્રવિણભાઈ દેસાઈએ જહેમત ઉઠાવી હતી.
અહેવાલ યશપાલ સ્વામી