પાટણ તા. 29પાટણના પશ્ચિમ વિસ્તારમાં કનસડા દરવાજા પાસે આવેલી સિધ્ધરાજ પોસ્ટ ઓફિસ પુનઃ આ વિસ્તારમાં જ ચાલુ કરવા માટે અખિલ ભારતીય ગ્રાહક પંચાયત પાટણના અઘ્યક્ષ અતુલભાઈ પટેલ તથા આ વિસ્તારમાં રહેતા રહીશો દ્વારા મુખ્ય પોસ્ટ ઓફિસ ખાતે સુપ્રિટેન્ડેન્ટ મિતેશભાઈ પ્રજાપતીને મંગળવારે આવેદનપત્ર આપી રજુઆત કરવામાં આવી હતી. અખિલ ભારતીય ગ્રાહક પંચાયતના અધ્યક્ષ અતુલભાઇ પટેલ તથા આ વિસ્તારમાં રહેતા અગ્રણી નાગરિકો દ્વારા જણાવ્યું હતું કે આ જર્જરિત પોસ્ટ ઓફિસની જગ્યા અહીં નજીકમાં રાખવામાં આવે તે માટે રજૂઆત કરતા સુપ્રિટેન્ડેન્ટે પણ હકારાત્મક અભિગમ અપનાવવામાં આવશે તેવી ખાતરી આપી હતી.
અહેવાલ યશપાલ સ્વામી
