આજ રોજ ઉ.ગુ.યુવક મંડળ સંચાલિત શેઠશ્રી એન.જી.પટેલ (એમ.એન) પ્રાથમિક શાળામાં આપણા મહામહિમ શિક્ષકથી સફર ખેડીને રાષ્ટ્રપતિ પદ પર પહોંચેલા આપણા ફિલોસોફર એવા ડો. સવૅપલ્લી રાધાકૃષ્ણના જન્મ દિવસે શિક્ષક દિન કાર્યક્રમની ભવ્ય ઉજવણી કરવામાં આવી. જેમાં ધોરણ- ૧ થી ૮ વિદ્યાર્થીઓએ ઉત્સાહ ભેર ભાગ લીધો હતો. આ કાર્યક્રમની શરૂઆત સ્વયં એક દિવસ બનેલા શિક્ષક મિત્રોએ પ્રાર્થના કાર્યક્રમથી લઈને શાળાના શૈક્ષણિક કાર્યની તમામ જવાબદારી પોતાને શિરે લીધી હતી.
દિવસની શુભ શરૂઆત માં સરસ્વતીની પ્રાર્થના,ભજન,ધૂનથી કરવામાં આવી તથા અભિનય ગીત, ઘડીયાગાન ,આજના મુખ્ય સમાચાર, આજનો દીપક અને આજનું ગુલાબ જેવા વિવિધ કાર્યક્રમો પૂર્ણ કરી શૈક્ષણિક કાર્યની શરૂઆત કરી હતી. વિદ્યાર્થીઓએ આજે પોતાની શાળામાં પ્રિન્સિપાલ, વાઇસ પ્રિન્સિપાલ, સેવક, ક્લાર્ક, શિક્ષક સહિતની તમામ જવાબદારી નિષ્ઠાપૂર્વક નિભાવી હતી. વિધાર્થીનીઓએ સાડી પહેરીને શિક્ષણ કાર્ય કરવાનો અને શિક્ષિકા બનીને બાળકોને એટલે કે તેમના જ સહાધ્યાયીઓને ભણાવવાનો પણ અનરો આનંદ લીધો હતો.
શિક્ષકદિન પર્વની ઉજવણી શાળામાં હર્ષોઉલ્લાસથી કરવામાં આવી. આ પ્રસંગે શાળાના આચાર્ય બનેલ વિધાર્થી ચૈત્ય નેહલકુમાર પટેલે પોતાના સંબોધનમાં આજના અનુભવ અને ગુરુના મહત્વને સમજાવ્યું હતું. સમગ્ર કાર્યક્રમનું આયોજન શાળાના ઇ.આચાર્યશ્રી વસંતભાઈ પટેલના માર્ગદર્શન હેઠળ તથા શાળા પરિવારના તમામ સભ્યોના સાથ સહકારથી કરવામાં આવ્યું હતું.
અહેવાલ યશપાલ સ્વામી
