પાટણના કમલીવાડા ની સુજલામ સુફલામ બ્રાન્ચ કેનાલ મારફતે 400 ક્યુસેક જેટલું છોડાયેલ પાણી 4 દિવસમાં પાટણ સરસ્વતી નદીમાં આવશે.
પાટણ તા. 16 મહારાષ્ટ્ર અને મધ્યપ્રદેશમાં થયેલ ભારે વરસાદ ને પગલે નર્મદા ડેમમાં પાણીની પુષ્કળ આવક થતાં નર્મદા ડેમના 10 જેટલા દરવાજા ખોલવાની ફરજ પડી છે. નમૅદા ડેમ ના 10 દરવાજા ખોલાતા તેનું પાણી પાટણ સિંચાઈ વિભાગ દ્વારા પાટણ કમલીવાડા પાસેથી પસાર થતી નર્મદાની સુજલામ સુફલામ બ્રાન્ચ કેનાલ મારફતે પાટણ સરસ્વતી નદીમાં વહેતું થશે ત્યારે હાલમાં 400 ક્યુસેક જેટલું પાણી આ બ્રાન્ચ કેનાલમાં છોડવામાં આવ્યું હોય જે પાણી પાટણની સરસ્વતી નદીમાં આવતા ચાર દિવસજેટલો સમય લાગશે તેવું સૂત્રો તરફથી જાણવા મળ્યું છે. મહારાષ્ટ્ર અને મધ્ય પ્રદેશના ઉપરવાસ માં પડેલ ભારે વરસાદને કારણે નર્મદા ડેમના પાણી ની પુષ્કળ પ્રમાણમાં આવક થતાં તંત્ર ને નમૅદા ડેમ ના 10 જેટલા દરવાજા ખોલવા પડ્યાં છે ત્યારે નમૅદા ડેમ માથી પસાર થતાં આ પાણી ને લઇ સિંચાઈ વિભાગ દ્વારા પાટણ નજીક કમલીવાડા ગામ પાસેથી પસાર થતી નર્મદા ની સુજલામ સુફલામ ની બ્રાન્ચ કેનાલ મારફતે હાલમાં 400 ક્યુસેક પાણી સરસ્વતી નદીમાં છોડવામાં આવ્યું છે જે આગામી 4 દિવસમાં પાટણ થી નિકળતી સરસ્વતી નદી ના બેરેજ સુધી પહોંચશે. પાટણ સરસ્વતી નદી મા પાણી આવવાના કારણે આજુબાજુની જમીન તળ જીવંત બનશે અને તેનો લાભ સરસ્વતી તાલુકાના ખેડૂતોને થશે.
અહેવાલ યશપાલ સ્વામી
