બળદોની સંખ્યા કરતા ખેડૂતોએ ટ્રેક્ટરની તેમજ ધરતી માતાજી પૂજા કરી નવું વર્ષ ખેડૂતો માટે ઉપકારક રહે તેવી પ્રાર્થના કરી..
પાટણ તા. ૧૦
પાટણ જિલ્લાના ખેડૂતો એ અખાત્રીજના શુભ મુહૂર્ત મા બળદ ની સંખ્યા ઘટતા ટ્રેક્ટરને કૂમ કૂમ તિલક થી વધાવી જમીનની પૂજા કરી નવા વર્ષ ની ખેતી નો શુભારંભ કર્યો હતો. પાટણ જિલ્લાના ખેડૂતોએ ટ્રેક્ટર દ્વારા ખેતરમાં ઉગમણી દિશાએ ખેતીનું મુહૂર્ત કર્યું હતું. અખાત્રીજે પહેલા ખેડૂતો હળ બળદ થી ખેતી કરતા હતા ત્યારે બળદને હળ સાથે જોડીને બળદની પૂજા કરવામાં આવતી હતી.
ત્યારબાદ ધરતી માતાને સ્વસ્તિક દોરી પૂજા કરી ગોળ ધાણા વહેંચી ખેતીનું ઉત્સાહભેર મુહૂર્ત કરાતું હતું. પરંતુ ખેતી ની પદ્ધતિ પણ આધુનિક બનતાં હળ બળદના બદલે ટ્રેક્ટરો દ્વારા ખેડૂતોએ ખેતીનું મુહૂર્ત કર્યું હતું.ખેડૂતોએ ધરતી માતાની પૂજા કરી ધન ધાન્યમાં અમી રહે તેવી પ્રાર્થના કરી હતી.
પાટણના અનાવાડા ગામ ના વિપુલભાઈ પટેલ નામના ખેડૂતે પણ અખાત્રીજના પવિત્ર દિવસે પોતાના ખેતરમાં સહ પરિવાર સાથે ટ્રેક્ટર ને ચાંદલા કર્યા બાદ ધરતી માતાજીની પૂજા કરી લાલ નાડાછડી બાંધી હળોતરા નાસૈત્રો બાંધી ગોળ,ધાણા વહેંચ્યા હતા.
તો ટ્રેક્ટર પર શ્રીફળ વધેરી , ધરતી માતા અને ખેતીના ઓઝારોની આરતી કરવામાં આવી હતી અને આવનારું વર્ષ ખુબજ સારું જાય, ખેડૂતો પર કુદરત મહેર બાન રહે તે માટે પ્રાર્થના કરી હતી.
અહેવાલ યશપાલ શ્યામી
