રાધનપુર-સાંતલપુર અને સમી તાલુકા ક્ષત્રિય ઠાકોર સેના દ્વારા ધારાસભ્ય અલ્પેશ ઠાકોર નો અભિવાદન કાર્યક્રમ યોજાયો..
પાટણ તા.10
પાટણ જિલ્લાના રાધનપુર ખાતે ધારાસભ્ય અલ્પેશ ઠાકોરનો અભિવાદન કાર્યક્રમ યોજાયો હતો.રાધનપુર, સાંતલપુર, સમી તાલુકા ક્ષત્રિય ઠાકોર સેના દ્વારા આયોજિત આ કાર્યક્રમમાં ઠાકોર સમાજની મોટી જનમેદની ઉમટી હતી.રાધનપુર ખાતે આયોજિત આ અભિવાદન કાર્યક્રમમાં ઉપસ્થિત રહેલા અલ્પેશ ઠાકોરે આગામી લોકસભાની ચૂંટણીમાં રાધનપુર વિસ્તાર માથી ભાજપને એક લાખ મતની લીડ અપાવવા ઠાકોર સમાજને આહવાન કર્યું હતું.
સાથે સાથે તેઓએ 2019 ના વષૅમાં વરાણા ખોડિયાર માતાના મંદિરે ધાન માં ધૂળ નાખવા ની ઘટનાનો ખુલાસો કરતાં જણાવ્યું હતું કે વરાણામાં ખોડિયાર માતાના મંદિરે ધાનમાં ધૂળ ઠાકોર સેનાએ નતી નાખી
પણ એ રાજકીય સ્ટન્ટ હતો એથી વિશેષ કઈ નતુ અને મા ના સાનિધ્યમાં બેસી રાજકીય સ્ટન્ટ જેને જેને કર્યું એ બધા ને મા એ જવાબ આપી દીધો હોવાનું જણાવી વિરોધીયો પર તાતા તીરનું નિશાન સાધ્યું હતું.
રાધનપુર ખાતે ધારાસભ્ય અલ્પેશ ઠાકોરના અભિવાદન કાર્યક્રમમાં પાટણ જિલ્લા પંચાયત પ્રમુખ હેતલબેન ઠાકોર, રાધનપુર ધારાસભ્ય લવિગજી ઠાકોર સહિત વિશાળ સંખ્યામાં રાજકિય,સામાજિક આગેવાનો અને ઠાકોર સેનાના યુવાનો ઉપસ્થિત રહ્યા હતા.
અહેવાલ યશપાલ સ્વામી
