પાટણ તા.14
પાટણ શહેરના જીમખાના ગ્રાઉન્ડ ખાતે આયોજિત મેચીસ નાઈટ ક્રિકેટ ટુર્નામેન્ટ ની શુક્રવારે આયોજિત ફાઈનલ મેચ મા જય ઈલેવન ટીમને પરાસ્ત કરી ઈમરાન મન્સુરી ઈલેવન ટીમ ચેમ્પિયન બની હતી.પાટણ શહેરના જીમખાના ગ્રાઉન્ડ ખાતે છેલ્લા બે મહિનાથી આયોજિત કરાયેલ 25 ઓવરની ઇન્ટર નાઈટ જીમખાના મેચીસ ટુર્નામેન્ટ માં કુલ 12 ટીમોએ ભાગ લીધો હતો.ટુનૉમેન્ટની ફાઈનલ મેચ જય ઇલેવન ટીમ અને ઇમરાન મન્સુરી ઇલેવન ટીમ વચ્ચે શુક્રવારના રોજ જીમખાના ગ્રાઉન્ડ ખાતે યોજાઈ હતી.જેમાં જય ઈલેવન ટીમને પરાસ્ત કરી ઈમરાન મન્સુરી ઈલેવન ટીમ ચેમ્પિયન બની હતી..
આ 25 ઓવરની મેચીસ ટુર્નામેન્ટ ની ફાઈનલ મેચમાં હાર્દિક જોષી એ 98 રન બનાવી 3 વિકેટ મેળવી હતી. તો જુનેદ મન્સુરી એ 23 રન બનાવી ટીમ ને વિજય અપાવ્યો હતો.ફાઈનલ મેચ માં ચેમ્પિયન બનેલી ઈમરાન મન્સુરી ઈલેવન ટીમને ઉપસ્થિત મહાનુભાવો ના વરદ હસ્તે ચેમ્પિયન ટ્રોફી એનાયત કરવામાં આવી હતી.
અહેવાલ યશપાલ સ્વામી
