કોમન યોગા પ્રોટોકોલ પ્રશિક્ષણ વિષય અંતર્ગત પાટણમાં યોગ શિબિરનું આયોજન કરાયું…

યોગ એક પૂર્ણ આધ્યાત્મિક વિદ્યા છે : યોગસેવક

પાટણ તા. ૧૮
‘’યોગ એ સંસ્કૃતિની વિરાસત છે. આજે બેઠાડુ જીવન, કસરતનો અભાવ વગેરેના કારણે રોગમાં વધારો થયો છે. તેથી રોગને ભગાડવા માટે યોગ ખૂબ જરૂરી છે. ગમે તેવી પરિસ્થિતી આવે યોગ જરૂર કરો મંગળવારે પાટણની સવાર યોગમય બની ગઈ હતી. કારણકે વહેલી સવારે પાટણ શહેરમાં યોગ શિબિર નું આયોજન કરવામાં આવ્યું હતુ. આ શિબિરનો પાટણની જનતાએ લાભ લીધો હતો.

પ્રધાનમંત્રી નરેન્દ્રભાઈ મોદીએ કહ્યું છે તેમ યોગ એ પ્રાચીન ભારતીય પરંપરા દ્વારા અપાયેલી એક અમુલ્ય ભેટ છે. જેમાં મન અને શરીર, વિચાર અને ક્રિયા, સંયમ અને પરિપૂર્ણતા વચ્ચે રહેલી એકતા, મનુષ્ય અને પ્રકૃતિ વચ્ચે રહેલી સંવાદિતતા તથા આરોગ્ય અને સુખાકારી તરફ એક સકલ્યવાદી અભિગમનો સમાવેશ થાય છે. વડાપ્રધાને તા.27 મી સપ્ટેમ્બર 2014ના રોજ સંયુક્ત રાષ્ટ્રસંઘની સામાન્ય સભાને સંબોધિત કરતી વખતે વિશ્વ સમુદાયને આંતરરાષ્ટ્રીય યોગ દિવસ મનાવવાની વાત કરી હતી.

ત્યારથી અત્યારસુધી તા.21 જૂનના રોજ આંતરરાષ્ટ્રીય યોગ દિવસની ઉજવણી કરવામાં આવે છે. આ વર્ષે આપણે સૌ દસમો આંતરરાષ્ટ્રીય યોગ દિવસ મનાવવા જઈ રહ્યા છીએ ત્યારે રાજ્યના વિવિધ તાલુકાઓ માં કોમન યોગ પ્રોટોકોલ પ્રશિક્ષણ અંતર્ગત યોગ શિબિરનું આયોજન કરવામાં આવ્યું હતુ. પાટણ માં આયોજીત યોગ શિબિરમાં યોગ સેવક શીશપાલજીએ પાટણની જનતાને યોગના ફાયદાઓ વિશેની સમજ આપી હતી. વહેલી સવારે 5.30 વાગ્યે આયોજીત આ યોગ શિબિરમાં સૌ કોઈએ ધ્યાન કર્યું હતુ.
ધ્યાન કરતા કરતા શીશપાલજીએ ધ્યાન કરવાના ફાયદા વિશેની માહિતી પણ સૌને આપી હતી.

કોમન યોગા પ્રોટોકોલ પ્રશિક્ષણમાં 27 આસાન અને 5 પ્રાણાયામનો સમાવેશ કરવામાં આવ્યો છે.
યોગ સેવક શીશપાલજી યોગ વિશેની વાત કરતા જણાવે છે કે, યોગ એ ભારતીય સંસ્કૃતિની દેન છે. આપણા ઋષિમુનીઓ યોગી હતા. યોગ, આયુર્વેદ ના સહારે તેઓ વર્ષો સુધી જીવન જીવતા હતા. પરંતુ આજે બેઠાડુ જીવન અને માનસીક તણાવના કારણે રોગોમાં વધારો થયો છે જેનું સમાધાન છે યોગ. આપણા દેશના વડાપ્રધાનના પ્રયત્નથી આજે 21 મી જૂનના રોજ આંતરરાષ્ટ્રીય યોગ દિવસ ઉજવાય છે જે આપણા સૌ માટે ગૌરવની વાત છે.

ગુજરાત રાજ્ય સરકારે પણ યોગ બોર્ડનું ગઠન કર્યું છે જેના દ્વારા યોગમય ગુજરાતનું અભિયાન ચલાવવા માં આવી રહ્યું છે. દસમા આંતરરાષ્ટ્રીય યોગ દિવસ ના અનુસંધાને જ આજે યોગ શિબિરનું આયોજન કરવામાં આવ્યું છે. આજના દિવસે હું આપ સૌને કહેવા માંગુ છુ કે આપ સૌ ઘરેથી બહાર આવો કોમન યોગા પ્રોટોકોલ શીખીને યોગી બનો,નિરોગી બનો, સમાજ માટે સહયોગી અને રાષ્ટ્ર માટે ઉપયોગી બનો.

યોગસેવક શીશપાલજીએ કોમન યોગા પ્રોટોકોલ અંતર્ગત વિશેષ યોગાભ્યાસ કરાવ્યા હતા. જેમાં બહોળી સંખ્યામાં પાટણની જનતાએ ભાગ લીધો હતો. આગામી તા.21 મી જૂનના રોજ પાટણમાં જિલ્લા કક્ષાના આંતરરાષ્ટ્રીય યોગ દિવસનું આયોજન પી.કે.કોટાવાલા આર્ટ્સ કૉલેજના ગ્રાઉન્ડમાં કરવામાં આવ્યું છે. જેમાં વધુ ને વધુ લોકો ભાગ લે તે માટે અનુરોધ કરવામાં આવ્યો છે.

આ યોગ શિબિરમાં જિલ્લા પંચાયત પ્રમુખ સુશ્રી હેતલબેન ઠાકોર, નગર પાલિકા પ્રમુખ શ્રીમતી હિરલ બેન પરમાર , જિલ્લા પંચાયત પુર્વ પ્રમુખ શ્રીમતી ભાનુમતીબેન મકવાણા, તેમજ રમત ગમત અધિકારી નરેશભાઈ ચૌધરી અને પાટણ જિલ્લા યોગના કોર્ડિનેટર અંકિતાબેન પટેલ ઉપસ્થિત રહ્યા હતા.

અહેવાલ યશપાલ સ્વામી