ડૉ. આંબેડકરના 67 મા મહા નિર્વાણ દિન નિમિત્તે શ્રદ્ધાંજલિ અર્પણ કરાઇ…

જિલ્લા હોમગાડૅ યુનિટ દ્રારા રેલી નું આયોજન કરવામાં આવ્યું..

પાટણ તા. ૬
બંધારણના ઘડવૈયા ડો. બાબા સાહેબ આંબેડકર ના 67 મા નિવૉણ દિવસ નિમિત્તે પાટણ શહેરના બગવાડ દરવાજા ખાતે પ્રસ્થાપિત કરવામાં આવેલ પ્રતિમા ને પાટણ શહેર અને તાલુકા વણકર સમાજ સેવા ટ્રસ્ટ અને દલીત સમાજ સહિત ભાજપ ,કોગ્રેસ અને આપ ના કાર્યકરોએ ફુલહાર અર્પણ કરી શ્રદ્ધાંજલિ અર્પિત કરી હતી.

આ પ્રસંગે બંધારણ ના ઘડવૈયા ડો. બાબાસાહેબ આંબેડકર ની દેશસેવાને ખાસ યાદ કરીને ડો.બાબા આંબેડકર અમર રહો ના નારા લગાવી બંધારણના ઘડવૈયા ભારતરત્ન ડો બાબા સાહેબના મહાનિર્વાણ દિન ની ઉજવણી ને યાદગાર બનાવી હતી..

પાટણ શહેરના બગવાડા દરવાજા ખાતે પાટણ જિલ્લા હોમગાર્ડ યુનિટ દ્વારા પણ ડો.આંબેડકરની પ્રતિમાએ માલ્યાર્પણ કરી બગવાડા દરવાજા ખાતે થી જનજાગૃતિ રેલી યોજી હતી.જે રેલી સિવિલ હોસ્પિટલ થઈ ચતુર્ભુજ બાગ,હિંગળાચાચર, જુનાગંજ બજાર, સુભાષચોક થઈને બગવાડા દરવાજા ખાતે સંપન્ન થઈ  હતી.