હેમચંદ્રાચાર્ય ઉ.ગુ.યુનિ.યુનિવર્સિટીના યજમાનપદે ૩૪ માં યુથ ફેસ્ટીવલ “કલ્પવૃક્ષ” નો પ્રારંભ…

યુથ ફેસ્ટીવલ મા કુલ ૧૨૫ કોલેજોના ૧૪૪૦ વિદ્યાર્થીઓ ૨૧૦ મેનેજર ૫ વિભાગ ની ૨૬ ઇવેન્ટમાં ભાગ લેશે…

પ્રખ્યાત ગુજરાતી સિંગર કિંજલ દવેએ પણ વિદ્યાર્થીની તરીકે પ્રારંભ પ્રસંગે સ્ટેજ શોભાવ્યું..

પાટણ તા. ૧૧
પાટણ સ્થિત હેમચંદ્રાચાર્ય ઉત્તર ગુજરાત યુનીવર્સિટી ના યજમાન પદે ત્રિ દિવસીય આયોજિત ૩૪ માં યુથ ફેસ્ટીવલ ‘કલ્પવૃક્ષ’નો પ્રારંભ સોમવારના રોજ હેમચંદ્રાચાર્ય ઉત્તર ગુજરાત યુનિવર્સિટીના કાર્યકારી કુલપતિ ડો.રોહિત દેસાઈ, પાલનપુરના ધારાસભ્ય અનિકેત ઠાકર, ગાયિકા કિંજલ દવે સહિતના મહાનુભાવો ની ઉપસ્થિતિ વચ્ચે કરવામાં આવ્યો હતો..

આ યુવક મહોત્સવમાં ઉત્તર ગુજરાતની ૧૨૫ કોલેજોના ૧૪૪૦ થી વધારે યુવાઓએ ભાગ લીધો છે. જેમાં ૨૫૦ જેટલા નિર્ણાયક,મેનેજર તેમજ વિવિધ કોલેજોના અધ્યાપકો પણ ઉપસ્થિત રહ્યા હતા.આ પ્રસંગે ગાયિકા કિંજલ દવે એ જણાવ્યું હતું કે, હું અત્યારે આ યુનીવર્સીટીની પ્રાંતિજ કોલેજની વિદ્યાર્થીની તરીકે આવી છુ.

મારું હમેશા સ્વપ્ન હતું કે હું પણ યુથ ફેસ્ટીવલમાં ભાગ લઉં જે આજે પૂરું થયું. તેમણે તેમના લોકપ્રિય ગીતો રજુ કરી યુવાનોને પણ કોઈ એક કળાને પોતાની તાકાત બનાવવા અનુરોધ કર્યો હતો.

આ પ્રસંગે યુનીવર્સીટીના કા. કુલપતિ પ્રો. રોહિત દેસાઈએ જણાવ્યું હતું કે, વ્યક્તિમાં નિર્ણય શક્તિના વિકાસ માં સ્ટેજ મહત્વનું છે. યુથ ફેસ્ટીવલ થકી યુવાનોની તમામ શક્તિ બહાર આવે છે અને તેમના વ્યક્તિત્વ નો ‘સ્વ’ નો વિકાસ થાય છે. તણાવ દુર કરવામાં પ્રત્યેક કળા મહત્વની ભૂમિકા ભજવે છે. યુવાનો પણ તણાવ મુક્ત બનશે તો રાષ્ટ્રના આર્થિક, સામાજિક અને શૈક્ષણિક વિકાસમાં તેમની ભૂમિકા રહેશે.

આ પ્રસંગે પાલનપુરના ધારાસભ્ય અનિકેતભાઈ ઠાકરે પણ જણાવ્યું હતું કે હું પણ નાટ્યમંચથી આજે જનમંચ સુધી પહોચ્યો છુ, કોલેજ કાળથી આ યુનીવર્સીટીનો વિદ્યાર્થી અને નાટકમાં ભાગ લેતા લેતા આજે જનમંચ સુધી પહોચ્યો તેમાં યુવક મહોત્સવનો પણ ફાળો રહ્યો છે.

તેઓએ પ્રધાનમંત્રી નરેન્દ્રભાઈ મોદીએ ૨૦૪૭ સુધીમાં વિકસિત ભારતની કલ્પના કરી છે. તેને યુવાનો જ પરિપૂર્ણ કરશે તેવું જણાવી સ્પર્ધા બાદ સ્પર્ધકમાં શત્રુ બુદ્ધિનો નાશ કરવા યુવાનોને જણાવી જીવનમાં ખેલદીલી ની ભાવના વિકસાવવા અપીલ કરી હતી.આ પ્રસંગે યુનીવર્સીટીના રજીસ્ટ્રાર પ્રો. કે કે પટેલ, ડે.રજીસ્ટ્રાર કમલ મોઢ, કન્વીનર ડો. ભાવેશ પટેલ, નિયામક ડો. ચિરાગ પટેલ સહીત વિવિધ કોલેજોના અધ્યાપકો, વિદ્યાર્થીઓ ઉપસ્થિત રહ્યા હતા.

અહેવાલ યશપાલ સ્વામી