ઈજાગ્રસ્ત તમામ ને રાધનપુર હોસ્પિટલ ખાતે ખસેડવામાં આવ્યા..
પાટણ તા. 18
પાટણ જિલ્લાના સાંતલપુર તાલુકાના કોરડા ગામ પાસે ગતરાત્રીના સુમારે પીકઅપ ડાલા અને જીપ વચ્ચે સજૉયેલ ગમખ્વાર અકસ્માતની ઘટના મા સાંતલપુર તાલુકાના જાજણસર ગામના એક વ્યક્તિનું મોત નીપજ્યું હોવાની સાથે 14 થી વધુ લોકો ઘાયલ થયા હોવાનું જાણવા મળ્યું છે.
તો અકસ્માતમાં ઈજાગ્રસ્ત તમામ લોકોને સારવાર અર્થે રાધનપુર હોસ્પિટલ ખાતે ખસેડવામાં આવ્યા છે.
આ અકસ્માતમાં ની મળતી માહિતી મુજબ સાંતલપુર તાલુકાના જાજણસર ગામ થી પીક અપ ડાલા મા બેસીને જીરૂં ને નેદવા ગયેલા 15 થી વધુ લોકો ગતરાત્રે પોતાના ધરે પરત ફરી રહ્યા હતા ત્યારે કોરડા ગામ નજીક પીક અપ ડાલા સાથે સામેથી આવતી જીપ સાથે અકસ્માત સર્જાયો હતો જેમાં એક વ્યક્તિ નું મોત નીપજ્યું હતું જયારે 14 જેટલા લોકો ને નાની મોટી ઈજાઓ પહોચી હતી.
રાત્રે બનેલા આ અકસ્માત ને પગલે ઈજાગ્રસ્તોની ચિચિયારીઓ થી આજુબાજુના લોકો ધટના સ્થળે દોડી આવ્યા હતા અને ઈજાગ્રસ્ત તમામ ને તાત્કાલિક સારવાર અર્થે 108 મારફતે રાધનપુર હોસ્પિટલ ખાતે ખસેડવામાં આવ્યા હતા.
બનાવની જાણ પોલીસ ને થતાં તેઓએ પણ ધટના સ્થળે દોડી આવી આગળ ની કાયૅવાહી હાથ ધરી હતી.
અકસ્માત મા ઈજાગ્રસ્ત બનેલ લોકોમાં નયનાબેન કાંતિભાઈ ઠાકોર, કાંતિભાઈ રણછોડભાઈ ઠાકોર, રાહુલ, કાજલ બેન રમેશ ભાઈ ઠાકોર,રમાંભાઈ સોમાભાઈ ઠાકોર,હંશા બેન કાંતિભાઈ ઠાકોર, ઈશ્વરભાઈ વજાભાઈ ઠાકોર, શારદા બેન ઈશ્વર ભાઈ ઠાકોર,હિતેશભાઈ સોમાભાઈ ઠકોર, શ્રવણ ભાઈ સોમાભાઈ ઠાકોર,કાતાબેન રમેશભાઈ, જોશના બેન ઠાકોર,ભારતીબેન ભીમજીભાઈ ઠાકોર અને જલ્પાબેન ભીમજી ભાઈ ઠાકોર નો સમાવેશ થાય છે.જોકે અકસ્માત માં મૃત્યુ પામનાર નું નામ જાણી શકાયું નથી..
અહેવાલ યશપાલ સ્વામી
