જાગૃત ગ્રાહક મંડળ દ્વારા રાષ્ટ્રીય ગ્રાહક દિન નિમિતે ગ્રાહક જાગૃતિ માટે સાપ્તાહિક ઉજવણી…

પાટણ તા. ૨૭
જાગ્રુત ગ્રાહક મંડળ પાટણ, દ્વારા રાષ્ટ્રીય ગ્રાહક દિન નિમિતે ગ્રાહક જાગૃતિ માટે સાપ્તાહિક ઉજવણી કરવામાં આવી હતી. ગ્રાહક જાગૃતિ માટે સાપ્તાહિક ઉજવણી નિમિતે તારીખ 18 થી 24 ડિસેમ્બર માં વિવિધ જાહેર સ્થળ, શાળાઓ અને કોલેજો માં શિબિર, સેમીનાર, ચિત્ર સ્પર્ધા, વકૃત્વ સ્પર્ધા, રેલીનું આયોજન કરવામાં આવ્યું હતુ.

જાગ્રુત ગ્રાહક મંડળ પાટણ ના પ્રતિનિધિ રોનકભાઈ મોદી દ્વારા સરકાર દ્વારા નક્કી કરેલ થીમ “ઇ-કોમર્સ અને ડીજીટલ વેપારના યુગમાં ગ્રાહક સુરક્ષા” વિષય ઉપર માર્ગદર્શન આપવામાં આવ્યું હતું. જેમાં નવા ગ્રાહક સુરક્ષા કાયદો-2019 માં ઈ-કોમર્સ અને ડીજીટલ વેપાર માટે જોગવાઈઓ કરવામાં આવી છે. જેમાં ઇકોમર્સ વેબસાઈટો દ્વારા વેચાણ કરનાર વસ્તુ કે સેવાના ઓરીઝનલ ફોટોગ્રાફ, રીફંડ, રીટર્ન પોલીસી, વસ્તુ કે સેવાની માહિતી, વોરંટી-ગેરંટી વગેરે વેબસાઈટ ઉપર લખવું ફરજીયાત છે. વધુમાં ગ્રાહક વસ્તુની પેકેજીંગ ઉપર તારીખ, નેટ વજન અને લીગલ મેટ્રોલોજી અધિનિયમ, ગ્રાહકને મળેલ અધિકારો અને ગ્રાહકે ફરિયાદ કઈ રીતે કરવી? ક્યાં કરવી? તેના મહત્વ વિશે માર્ગદર્શન આપ્યું હતું.

આ સપ્તાહમાં પાટણમાં ભારતીય વિકાસ પરિષદ સંસ્થા તથા અન્ય સંસ્થા સાથે સંકલન કરી ગ્રાહક જાગૃતિના શિબિરનું આયોજન કરવામાં આવ્યું હતું. પાટણમાં આવેલ વિવિધ માધ્યમિક અને ઉચ્ચતર માધ્યમિક શાળાઓ અને કોલેજોમાં ગ્રાહક સુરક્ષા વિષય ઉપર શિબિર, ચિત્ર સ્પર્ધા, રેલી, વકતૃત્વ સ્પર્ધા અને રંગોળી સ્પર્ધાનું આયોજન કરવામાં આવ્યું હતું. આમ ગ્રાહક દિનની સાપ્તાહિક ઉજવણી કરી શાળા અને કોલેજના વિદ્યાર્થીઓ અને હાજર તમામ લોકોને ગ્રાહક સુરક્ષા વિશે જાગૃત કરવામાં આવ્યા હતા.

અહેવાલ યશપાલ સ્વામી