ગાય, કુતરાઓ માટે સીરો,લાડુ અને ખીચડી બનાવી ભોજન પિરસવામાં આવ્યું…
પાટણ તા. ૩૧
પાટણ પ્રજાપતિ સમાજના શ્રી ચામુંડા સેવક મંડળ ના સેવાભાવી યુવાનો દ્રારા અનેકવિધ સેવાકીય પ્રવૃત્તિઓ સાથે દર શિયાળામાં અબોલ જીવો ની નિસ્વાર્થ સેવા કરવામાં આવતી હોય છે.
ત્યારે ચાલુ વર્ષે પણ શ્રી ચામુંડા સેવક મંડળના યુવાનો દ્વારા ગાય, કૂતરાઓ જેવા અબોલ જીવો માટે સીરો, લાડુ, ખીચડી નું ભોજન તૈયાર કરી વાહન મારફતે શહેરના જુદાં જુદાં વિસ્તારમાં તેમજ સીમ વિસ્તારોમાં જઈ પીરસવામાં આવ્યું હતું.
પાટણ પ્રજાપતિ સમાજ ના શ્રી ચામુંડા સેવક મંડળના સેવાભાવી યુવાનો ની અબોલ જીવ માટે ની આ સેવા પ્રવૃત્તિ ને પ્રજાપતિ સમાજ સહિત અન્ય સમાજ ના લોકોએ પણ સરાહનીય લેખાવી હતી.
અહેવાલ યશપાલ સ્વામી