શ્રી વરાણા ના ખોડીયાર માતાજીના ૧૫ દિવસ ચાલેલા મહા મેળા નું હવન યજ્ઞ સાથે સમાપન કરાયું..

રાધનપુરના પૂર્વ ધારાસભ્ય રઘુભાઈ દેસાઈએ હવન યજ્ઞ યોજી માતાજીના આશીર્વાદ મેળવ્યા…

મેળાના અંતિમ દિવસે હજારો શ્રદ્ધાળુ એ માતાજીના દર્શન કરી ધન્યતા અનુભવી…

પાટણ તા. ૨૬
પાટણ જિલ્લાના વઢીયાર પંથકના સમી તાલુકાના વરાણા ખાતે આવેલા શ્રી ખોડીયાર માતાજીના સ્થાનકે પંદર દિવસ થી ચાલતો લોકમેળો ભક્તિ સભર માહોલમાં સોમવારે સમ્પન્ન બન્યો હતો.

પંદર દિવસથી આયોજિત આ લોકમેળા નો અંદાજીત 15 થી 16 લાખ શ્રધ્ધાળુઓએ લાભ લીધો હોવાનું શ્રીખોડીયાર માતા મંદિર ટ્રસ્ટના ટ્રસ્ટીઓએ જણાવ્યું હતું.

વરાણા ખાતે આયોજિત શ્રી ખોડીયાર માતાજીના પંદર દિવસ ચાલેલા આ મહા મેળાના અંતિમ દિવસે રાધનપુરના પૂર્વ ધારાસભ્ય રઘુભાઈ દેસાઈ દ્વારા માતાજી સન્મુખ હવન યજ્ઞ સાથેના ધાર્મિક ઉત્સવો ઉજવી માતાજીના આશીર્વાદ મેળવી ભક્તિ સભર માહોલમાં મેળાનું સમાપન કરવામાં આવ્યું હતું.

મેળા ના અંતિમ દિવસે હજારો શ્રધ્ધાળુ ઓએ માતાજીના દશૅન પ્રસાદનો લાભ લઈ ધન્યતા અનુભવી હતી. મેળા ના અંતિમ દિવસે અબાલ વૃધ્ધ સૌએ મનોરંજનના સાધનોની મોજ સાથે ખાણી પીણીના સ્ટોર ઉપર નાસ્તા પાણીની મિજબાની માણી મેળાને મનભરીને મહાલ્યો હતો.

અહેવાલ યશપાલ સ્વામી