લોકસભા સામાન્ય ચૂંટણી 2024 ની તારીખ જાહેર થતાં જ આદર્શ આચાર સહિતા લાગુ કરાઈ..

પાટણ લોકસભા બેઠકમાં કુલ 20,21,052 મતદારો નોધાયા..

જિલ્લા કલેકટર એવમ ચૂંટણી અધિકારી દ્વારા લોકસભા ચૂંટણી 2024 અંતર્ગત પ્રેસ બેઠક બોલાવી માહિતી પ્રદાન કરી..

પાટણ તા. ૧૬
લોકસભા સામાન્ય ચૂંટણી 2024 ની તારીખ જાહેર થતાની સાથે જ આદર્શ આચાર સહિતા લાગુ થવા પામી છે ત્યારે પાટણ લોકસભા મત વિસ્તાર મા પણ આદર્શ આચારસંહિતાની અમલવારી કડક બને તે માટે અને આગામી લોકસભાની ચૂંટણીને અનુલક્ષીને જરૂરી માહિતી પ્રદાન કરવા શનિવારની સાંજે જિલ્લા કલેકટર એવમ ચૂંટણી અધિકારી ની અધ્યક્ષતામાં કલેક્ટર કચેરીના કોન્ફરન્સ ઓળ ખાતે પાટણ ના ઇલેક્ટ્રોનિક તેમજ મીડિયાના પત્રકારોની પ્રેસ બેઠકનું આયોજન કરવામાં આવ્યું હતું જે પ્રેસ બેઠકમાં લોકસભા સામાન્ય ચૂંટણી 2024 ની પાટણ લોકસભા બેઠકની માહિતી આપતા જિલ્લા કલેકટર એમ ચૂંટણી અધિકારી અરવિંદ વિજયને જણાવ્યું હતું કે પાટણ લોકસભા મત વિસ્તાર હેઠળ આવતી કુલ સાત વિધાનસભા બેઠકોના કુલ મતદારો 20,21,052 નોંધાયા છે.

જેમાં 10,39,108 પુરુષ મતદારો અને 9,80,064 મહિલા મતદારોનો સમાવેશ થાય છે.જયારે ટ્રાન્સજેન્ડર મતદારો ની સંખ્યા 31 અને પોસ્ટલ બેલેટ મતદારો ની સંખ્યા 1849 મળી કુલ 20,21,052 મતદારો નોધાયા છે. પાટણ લોકસભા મતવિસ્તારમાં સમાવિષ્ટ 7 વિધાનસભા મત વિસ્તારોમાં 11-વડગામ, 15-કાંકરેજ,16-રાધનપુર,17- ચાણસ્મા,18-પાટણ, 19- સિધ્ધપુર અને 20-ખેરાલુ વિધાનસભા બેઠકનો સમાવેશ થાય છે. પાટણ લોકસભામાં કુલ 2073 મતદાન મથકો છે.આદર્શ આચારસંહિતાના ચુસ્ત અમલીકરણની વ્યવસ્થા સુનિશ્ચિત કરતા ચૂંટણી અધિકારી ૦૩- પાટણ સંસદીય મતદાર વિભાગ અને જીલ્લા કલેકટર, પાટણ અરવિંદ વિજયને ભારતના ચૂંટણી પંચ દ્વારા લોકસભાની સામાન્ય ચૂંટણી-૨૦૨૪ અંગેના કાર્યક્રમની જાહેરાત કરતાં જીલ્લામાં આદર્શ આચારસંહિતાનું પાલન થાય તેવી વ્યવસ્થા સુનિશ્ચિત કરવામાં આવેલ હોવાનું જણાવ્યું હતું.

૦૩-પાટણ સંસદીય મતદાર વિભાગ કે જેમાં કુલ ૦૭ વિધાનસભા મતદાર વિભાગોનો સમાવેશ થાય છે. જેમા પાટણ જીલ્લાની ૦૪ વિધાનસભા૧૬-રાધનપુર, ૧૭-ચાણસ્મા, ૧૮-પાટણ, ૧૯-સિધ્ધપુર તથા બનાસકાંઠા જીલ્લા ની બે જેમાં ૧૧-વડગામ અને ૧૫-કાંકરેજ તથા મહેસાણા જીલ્લાની એક જેમાં ૨૦-ખેરાલુ વિધાનસભા વિસ્તારનો સમાવેશ થાય છે. આગામી લોકસભા ચૂંટણી-૨૦૨૪ દરમિયાન આદર્શ આચારસંહિતાનું સુચારૂ પાલન થાય તે માટે જીલ્લા ચૂંટણી અધિકારીની કચેરી દ્વારા જીલ્લા કક્ષાએ ઉચ્ચ અધિકારીઓની નોડલ અધિકારી તરીકે નિમણૂક કરવામાં આવી છે. આ તમામ અધિકારીઓને આદર્શ આચાર સંહિતા અને તેને સંલગ્ન બાબતો તથા તેની અમલવારીની કાર્યપદ્ધતિ અંગે વિસ્તૃત તાલીમ પણ
આપવા માં આવી છે.

ચૂંટણી પ્રક્રિયા દરમિયાન કાયદો અને વ્યવસ્થાની સ્થિતિ જળવાઇ રહે તે માટે આવશ્યક પગલાં લેવા જીલ્લા ચૂંટણી અધિકારી દ્વારા પોલીસ અધીક્ષકને વિગતવાર સૂચના આપવામાં આવેલ છે. જે અંતર્ગત ભારતીય ચૂંટણી પંચ દ્વારા આદર્શ આચારસંહિતામાં દર્શાવેલ પ્રતિ બંધાત્મક પ્રવૃતિ ન થાય તે સુનિશ્ચિત કરવા જણાવવામાં આવ્યું છે.

જીલ્લામાં કુલ ૧૨ FST, ૧૨ VST, ૪ VVT તથા ૧ AT ટીમની રચના કરવામાં આવેલ છે. જે ચૂંટણી જાહેરાત સાથે કાર્યરત થઇ જશે. તથા ચૂંટણી ખર્ચ તથા આદર્શ આચારસંહિતા વિગેરે જેવી બાબતોનું દેખરેખ સદર ટીમો દ્વારા કરવામાં આવશે.જીલ્લામાં શાંતિ પૂર્ણ માહોલમાં ચૂંટણી પ્રક્રિયા સંપન્ન થાય અને મતદારો નિર્ભય રહીને તથા કોઈપણ પ્રકારે પ્રભાવિત થયા વિના પોતાના મતાધિકાર નો વિવેકપૂર્ણ ઉપયોગ કરી શકે તેવી વ્યવસ્થા ઉભી થાય તે માટે જીલ્લા ના ચૂંટણી તંત્ર દ્વારા તમામ તૈયારીઓ કરી દેવામાં આવી છે.

લોકસભા સામાન્ય ચૂંટણી ૨૦૨૪ નો કાર્યક્રમ જોઈએ તો ચૂંટણી અંગેની નોટીસ બહાર પાડવાની તારીખ ૧૨ એપ્રિલ, ઉમેદવારીપત્રો ભરવાની છેલ્લી તારીખ ૧૯ એપ્રિલ ઉમેદવારીપત્રો ચકાસણીની તારીખ ૨૦ એપ્રિલ, ઉમેદવારીપત્રો પાછા ખેંચવાની છેલ્લી તારીખ ૨૨ એપ્રિલ, મતદાનની તારીખ ૭ મેં,મતગણતરીની તારીખ ૪ જુન અને ચૂંટણી પ્રક્રિયા પૂરી કરવાની છેલ્લી તારીખ ૬ જુન નક્કી કરવામાં આવી છે. જીલ્લા માંથી મળતી તમામ પ્રકારની ફરીયાદો માટે જીલ્લા કક્ષાએ ૨૪૭ ફરિયાદ દેખરેખ કક્ષ અને કોલ રૂમ શરૂ કરવામાં આવેલ છે. જેનો ટોલ ફ્રી નં.૧૮૦૦૨૩૩૨૩ ૫૭ છે. આ ઉપરાંત ભારતીય ચૂંટણી પંચ દ્વારા C-Vigil એપ શરૂ કરવામાં આવેલ છે. જેના પર પણ ઓનલાઈન ફરીયાદ કરી શકાશે તથા તેનો નિકાલ ભારતીય ચૂંટણી પંચની સુચના અનુસાર ૧૦૦ મિનિટમાં નિકાલ કરવામાં આવશે. ચૂંટણી કાર્ડ તથા મતદાર યાદીને લગતી ફરીયાદો તથા માહિતો માટે કોન્ટેક્ટ નં.૧૯૫૦ કાર્યરત કરવામાં આવેલ છે.,

મીડિયામાં પ્રસારીત થતી વીવિધ પ્રકારની ન્યુઝ ઉપર દેખ રેખ અંગે જીલ્લા માહિતી કચેરી,પાટણ ખાતે મીડિયા સર્ટીફીકેશન અને મોનીટરીં ગ કમીટીનો કંટ્રોલ રૂમ શરૂ કરવામાં આવેલ છે. જેનો સંપર્ક નં.૦૨૭૬૬ ૨૨૧૬૬૮ છે. જાહેર સભા/રેલી/સરઘસ/વાહન અને લાઉડ સ્પીકર જેવી વિવિધ ચૂંટણીલક્ષી પરવાનગીઓ એકજ સ્થળેથી અને સમયસર મળી રહે તે માટે જીલ્લા કક્ષાએ તથા તમામ મતવિસ્તાર ખાતે સિંગલ વિન્ડોઝ સિસ્ટમ શરૂ કરવામાં આવેલ છે.

જીલ્લા કક્ષાએ સિંગલ વિન્ડોઝ સિસ્ટમ કંટ્રોલ રૂમ જનસેવા કેન્દ્ર, જીલ્લા સેવા સદન પાટણ ખાતે કાર્યરત કરવામાં આવેલ છે. જેનો સંપર્ક નં.૦૨૭૬૬ ૨૨૪૬૬૦ છે. ૧૬-રાધનપુર કન્ટ્રોલ રૂમ મામલતદાર કચેરી, રાધનપુર ખાતે શરૂ કરવામાં આવેલ છે. જેનો સંપર્કનં.૦૨૭૪૬૨૭૭૩૧૦ છે. ૧૭-ચાણસ્મા કન્ટ્રોલ રૂમ મામલતદાર કચેરી, સમી ખાતે શરૂ કરવામાં આવેલ છે. જેનો સંપર્ક નં.૦૨૭૩૩ ૨૪૪૩૩૩ છે. ૧૮-પાટણ કન્ટ્રોલ રૂમ મામલતદાર કચેરી, પાટણ ખાતે શરૂ કરવામાં આવેલ છે. જેનો સંપર્ક નં.૦૨૭૬૬ ૨૩૦૭૦૦ છે. ૧૯-સિધ્ધપુર કન્ટ્રોલ રૂમ મામલતદાર કચેરી, સિધ્ધપુર ખાતે શરૂ કરવામાં આવેલ છે. જેનો સંપર્ક નં.૦૨૭૬૭ ૨૨૦૦૭૧ છે.

ખોટી માહિતી (ફેક ન્યુઝ) બાબતે કોઇ પણ વ્યક્તિ દ્વારા કોઇ પણ માહિતી અન્ય વ્યક્તિઓને આગળ મોકલતાં પહેલા તેની સત્યાર્થતા ચકાસવી ખુબ જરૂરી છે. રાજકીય પક્ષોને પણ વિંનંતી કરવામાં આવે છે કે સોશિયલ મીડિયા પ્લેટફોર્મ પર જવાબદારી પુર્વકની પોસ્ટ મુકવામાં આવે. કોઇ પણ વ્યક્તિને કોઇ ફેક ન્યુઝ અંગે કોઇ પ્રશ્ન હોય તો જીલ્લા કક્ષાએ ૨૪૭ કાર્યરત કોલ રૂમ પર જણાવી શકશે. તથા ફેક ન્યુઝ અંગે વિસ્તૃત તપાસ કરી જવાબદાર વિરૂધ્ધ કાયદાકીય કાર્યવાહી કરવામાં આવશે.મતદાન મથક ખાતે નીચે દર્શાવેલા કોઈપણ પુરાવા રજુ કરી મતદાન કરી શકાશે.

મતદાર ફોટો ઓળખપત્ર (EPIC), આધાર કાર્ડ , પાનકાર્ડ, યુનિક ડીસએબી લીટી આઈ.ડી. કાર્ડ (સમાજિક ન્યાય અને અધિકારીતા મંત્રાલય) કેંદ્ર સરકાર/ રાજ્ય સરકાર/ જાહેર સાહસો/પબ્લીક લી. કંપનીઓના કર્મચારીઓને આપવામાં આવેલ ફોટો ધરાવતું ઓળખકાર, બેંક તથા પોસ્ટ ઓફિસ દ્વારા આપવામાં આવેલ ફોટો સહિતની પાસબુક, શ્રમ મંત્રાલય દ્વારા આપવામાં આવેલ હેલ્થ ઇન્સ્યુરન્સ સ્માર્ટ કાર્ડ, ડ્રાઈવિંગ લાઈસન્સ, ભારતીય પાસપોર્ટ, એન.પી.આઈ હેઠળ આર.જી.આઈ દ્વારા આપવામાં આવેલ સ્માર્ટ કાડૅ ફોટો સાથેનો પેન્સન દસ્તાવેજ, સંસદસભ્ય/ ધારાસભ્ય/ વિધાન પરિષદના સભ્યની આપવામાં આવેલ અધિકૃત ઓળખકાર્ડ, મનરેગા જોબ કાર્ડ નો સમાવેશ કરવામાં આવ્યો છે. પાટણ લોકસભા ની ચૂંટણી 2024 ને લઈને આચાર સંહિતા મામલે માહિતગાર કરવા જિલ્લા ચૂંટણી અધિકારી એવામ કલેક્ટર દ્વારા બોલાવેલી પ્રેસ કોન્ફરન્સમાં જિલ્લા પોલીસવડા સહિત ના અધિકારીઓ ઉપસ્થિત રહ્યા હતા.

અહેવાલ યશપાલ સ્વામી